Yoshi爛Gag溝通 伍詠薇「詐型」:唔尊重我!

東方日報
伍詠薇勇對負評,自言有錯就改。

藝人伍詠薇帶同兩位90後「九幾」拍檔余逸思(Yoshi)及阿神,到電台宣傳ViuTV節目《埋嚟睇·埋嚟玩》。她自認潮人,但亦從「九幾」身上學會更多,Yoshi亦指大家冇代溝,會講爛Gag好輕鬆,又自爆最驚前輩唔應她,伍詠薇即追問:「依家冇偶像包袱呢樣嘢(口架)喇!咁你即係唔尊重我啦!」又自言首次主持半小時直播節目,加上拍檔是新人,所以感覺緊張。

對於有網民批評她反應不夠快,伍詠薇說:「我冇所謂,識我嘅朋友都知我EQ高,反應快,錯唔緊要,認咗去改。」又稱不計較任何批評,無論鬧和讚都不會忽視。

Yoshi(右)與阿神都是90後,特別啱嘴形。