Yanny@SG懶去廁所搵人代勞

東方日報
Super Girls互爆成員們的懶惰瘀事。

組合Super Girls昨日到尖東出席活動宣揚健康生活,大爆成員Yanny非常懶惰:「佢試過話『好急,但唔想去廁所,你幫我去吖』,最誇張係懶到唔想講嘢!」Yanny亦自首:「我比較懶,企起身攞嘢都覺得心跳好快。」

而同場的藝人劉心悠就表示忙為芭蕾舞劇排練,周柏豪則一直為巡唱健身:「之前我同心悠拍劇,見佢每日淨係食烚雞同菜,好乏味,唔係人嘅生活,依家自己都係咁!」心悠好奇問女生有多少腹肌才算靚,柏豪認為8舊就夠,隨即口甜舌滑說:「心悠幾時都靚o架啦!」

柏豪讚心悠幾時都咁靚。