WingWingYogurt險打交

東方日報
歐詠怡身材火辣,從不介意性感示人。

「歐氏姊妹」歐詠怡(WingWing)與歐詠寶(Yogurt)以多個性感造型,推出限量版寫真月曆,拍攝期間,兩女化妝時險打交,莫非姊妹內訌?

曾推出寫真集的「歐氏姊妹」歐詠怡及歐詠寶,最近推出2020限量版寫真月曆,以《愛.每天》為主題,向Fans發放正能量「派愛」。WingWing擁34D索爆身材,Yogurt則身形高挑有43吋長腿,兩女有多個煞食造型,滿足男Fans幻想,包括泳衣、內衣、校服及黑絲OL等,噴血指數爆燈。

捱餓保身形

二人在鏡頭前狀態十足,但其實有苦自知!兩女坦言拍攝當日不敢吃正餐,只吃兩條朱古力棒及一粒糖:「平時捱慣肚餓,一個禮拜可能淨係一、兩日食得飽,都唔敢太夜食嘢,要長期保持身形。」最慘是WingWing皮膚敏感,但因早已Book場,故冒險落水,相當專業!她說:「有個咁靚嘅酒店泳池,又有泳衣造型,有浸水、潑水畫面靚好多,所以就算又痕又痛都堅持落水,惟有快啲拍完上水,好彩最後冇惡化。」

互幫化妝

WingWing表示在短時間內換了多個造型,拍攝效果滿意,並自爆發生趣事,雖然她與Yogurt默契十足,但二人互幫對方化妝時,差點大打出手:「我哋一個揸唇膏、一個拎眉筆,因為要一齊望鏡頭,睇唔到對方但又要掂到,結果爭啲拮親對方!(有冇嬲?)梗係冇啦,我哋感情好好!」

歐詠寶為拍寫真月曆,一星期只得兩日食飽。
兩女着校服扮學生妹,絕冇違和感。
歐詠寶除了節食,亦不時做運動保持身形。
歐詠怡晒「絕對領域」,索!