ViuTV選秀節目《全民造星II》是非多籮籮

ViuTV大型選秀節目《全民造星II》已經去到最後30強,呢一個節目就真係是非多籮籮。節目初期嘅評判之一王貽興真係狠到冇朋友!好似原先係網絡紅人嘅Boris,就被王貽興批評表演好似10年前嘅兒歌頒獎典禮,睇到打冷震。就連姜大衛個仔細John都冇面俾。王貽興話佢著Joker牛仔褸又唔playful,又唔crazy又唔型,批評得體無完膚。之後當然比網民鬧爆王貽興太刻薄,但王貽興就話咁樣節目先好睇!

《全民造星II》截圖
《全民造星II》截圖

除咗被評為超刻薄嘅王貽興之外,原先安排咗嘅星級導師劉美君就改由Miss Chan Chan陳潔靈取代。傳聞話因為劉美君喺個人社交平台評論社會事件有關,不過花姐就話唔可以代表製作組答喎!

Miss Chan Chan 加入星級導師行列之後,同另外兩位星級導師火火同Eric Kwok又好似好夾喎!網民話覺得節目比賽不公平,Miss Chan Chan 就話:「一入嚟呢個節目就唔係公平!」Eric Kwok就話:「你試吓搵樣嘢公平嘅嘢俾我睇」。火火就仲犀利:「根本娛樂圈個準則就係,我唔鍾意你就唔俾你入」。睇嚟一班參賽者真係要打醒12分精神!

《全民造星II》截圖

講返參賽者,Mirror加入戰團之後。火火就透露花姐話Mirror可以輸,但唔可以淘汰多過12個,但Mirror好似得十二個喎。

不過Mirror成員始終經驗多過其他參賽者,真係着數好多。之前更有參賽者表明覺得咁樣比賽完全唔公道。但係花姐就話覺得Mirror退步咗,冇咗當初參賽嘅熱誠同動力,要佢哋加入比賽就係要激發佢哋嘅鬥志!但今次比賽之後Mirrror會唔會進行大換班?就真係睇落去先知啦!

Mirror