Tyrese花市擺檔㷫合合

東方日報
Tyrese(右)和Lincoln落力賣花。

組合BOP天堂鳥的Tyrese和Lincoln昨日在大埔年宵擺檔賣花,兩子落力搬搬抬抬,Tyrese搬到「興」合合索性除剩背心露出「麒麟臂」!由於落力Sell客,短時間內已做了幾單生意!

「老闆」Tyrese因家中從事園藝生意,幾年前已想投年宵攤檔賺多些錢,今次投資了5至6位數字,先由家人出錢:「之後我再畀番個本,賺到錢就一齊使,今年目標係賺到兩至三倍。」而Lincoln笑言幫手「打工」幫補生計。問到居於大埔的緋聞女友林欣彤可有來幫襯?Tyrese指她去年有來:「今年我諗佢都會嚟,會叫佢嚟幫手賣嘢。(送花畀佢?)冇所謂,個個都送,賀吓佢新一年攞個意頭。」