TVB御用壞人邵卓堯 無工開揸的士養女

喺《星夢傳奇》歌唱比賽節目中勇奪第二名嘅鄭世豪,今年自資推出歌曲《仍堅持》,歌曲講述一眾默默耕耘嘅綠葉,MV以的士司機邵卓堯帶出成個故事。

邵卓堯呢個名大家一定好陌生,但大部分有睇開TVB嘅觀眾一定認得佢個樣,佢就係成日做壞人角色嘅綠葉,基本上佢同鄭子誠一樣,套戲一見到佢就知道主角有危險。

於《天梯》飾演強姦犯陳成

邵卓堯原來已經入行37年,喺無綫做咗27年,其間做過8年的士司機,做演員收入無保障,邵卓堯為咗養活妻兒,晚上做兼職的士佬幫補生計,只為堅持做自己喜歡做嘅事–做戲。喺演藝事業入面,佢用心做好每一個角色,對於「爸爸」呢個角色佢亦義無反顧!

《仍堅持》MV

https://www.youtube.com/watch?v=WFR5gnfAmVU