TVB兒童節目主持爆出憎狗論 引來網民激烈迴響!

東方新地 - 娛聞

無綫節目《兄弟幫》每集都會請不同嘉賓一齊傾吓偈,早前節目邀請了兒童節目《Think Big天地》的主持做嘉賓,分享日常工作經歷。誰不知,其中一位嘉賓就突然爆出一番討厭狗狗的言論,其後引來不少網民激烈迴響,留言鬧爆!

撰文:東方新地|圖片:TVB截圖、Instagram

延伸閱讀:

《BB來了》李佳芯加入「媽媽谷」老公黎諾懿聞之色變?

大小姐榮升做「宋師奶」 與送水輝爆出肉麻對話!

兒童節目主持爆出憎狗論

近日,《兄弟幫》請咗一班兒童節目《Think Big天地》嘅主持上節目分享佢哋日常工作嘅經歷。其中,一位兒童節目主持人鍾晴(Karlie)就講到自己有一次去工廠區做嘢,點知個地方有狗,令本身驚狗嘅Karlie非常害怕!

鍾晴

Karlie喺憶述過程中,再一次重申自己好驚狗,仲愈講就愈激動!

鍾晴

講到自己換好衫之後落車,但見到眼前有一隻大狗。

Karlie就衝口而出講咗句:「工廠區啲狗特別毛茸茸同污糟!」

唔知點解,Karlie講呢句嘅同時,坐喺佢身旁嘅何依婷(Regina)笑得好開心咁。

Karlie講完覺得工廠區啲狗特別污糟之後,繼續講:「即係好…好乞人憎嗰啲呢!」

講完後,Karlie繼續分享話有朋友同佢講見到狗要扮唔驚,因為咁樣做,狗就唔會嚇佢。

但Karlie表示自已扮唔出唔驚,而言詞中好似有針對性咁續指:「都唔知佢(狗狗)咩心態!」

表情上已睇得出Karlie非常討厭狗狗。

網民激烈留言討論

呢番言論一出街,即時辣㷫晒一班愛狗人士,不少人喺網上發文鬧爆Karlie講嘢冷血,而且完全唔識尊重動物!

其後,亦有家長級人士留言,話佢嘅言論教壞細路,擔心小朋友接收左一樣錯誤訊息,冇資格做兒童節目主持。

不過,圍插聲音並唔係一面倒,當中亦有網民留言指唔覺得佢咁講有問題,認為唔鍾意狗、怕狗講出嚟都係一種坦白及事實,純粹講個人感受,所以唔明點解會有咁多人鬧佢。

鍾晴 小資料

鍾晴,今年26歲,曾參加過雜誌舉辦嘅校花選舉,亦曾被指與薛凱琪似樣,故有翻版薛凱琪之稱。



Karlie參加選美節目《美選D.n.A》,但最後入唔到圍。


上年,Karlie簽約無綫電視,立刻成為兒童節目《Think Big天地》主持之一。


最近,佢亦有參與《美女廚房》的拍攝。



今次嘅言論引嚟咁大迴響,未知會否影響到佢日後星途發展呢?


延伸閱讀:

結婚3年 李亞男造人成功!王祖藍:BB嘅高度似我定似阿媽?