張慧儀拍新劇入行以來最激 與梁漢文有纏綿遊戲

張慧儀拍新劇入行以來最激 與梁漢文有纏綿遊戲

張慧儀昨日(18/6)到黃竹坑出席ViuTV劇集《Me Too》宣傳活動。張慧儀接受《香港01》訪問時便向記者介紹其角色:「我會飾演一位單身而又好強勢嘅事業型嘅女人,因為單身嘅關係,經常身邊會有一大班年青嘅異性好朋友,同時亦會同梁漢文有段『纏綿遊戲』故事,我唔知導演到時點拍,相信可激可唔激嘅,不過呢套劇係我從演電視劇咁耐,意識上最大膽嘅角色,從未試過。」

拍ViuTV新劇有時間陪兒子:每星期都有得休息!

問會否因拍劇而沒有時間陪兒子Hanson? 張慧儀答謂:「咁又唔會,因為工作總需要嘅,而家仔仔都大個,其實我係工作之餘,我所有時間都畀晒佢,咁呢部戲我拍得好開心,我哋每個星期都有得休息。」

另外,談到她早年為Hanson在內地搵學校時,遇到校長指Hanson心臟有事而拒絕接收,她坦言當時非常難過、痛心:「當時嗰一刻我聽到佢哋咁講,我成個人企咗起身,隻手撳住張枱,主任同校長佢兩個都覺得好突然並後退,當時我都唔知點解會有咁嘅衝動,可能係做媽媽嘅本能,事後我由辦公室行出嚟嘅時候我係流眼淚,我覺得聽到佢哋咁講我個仔我好痛心。」

點擊瀏覽《香港01》更多內容和圖集

你可能感興趣:
張慧儀預告為ViuTV拍新劇︰角色是從影以來未試過
養子患先天性心臟病需開刀續命 張慧儀:叫我唔好擔心!