Rosemary激凸老公撩再造人

東方日報
升呢人母的Rosemary冧過首個母親節。

名模Rosemary昨日和琦琦等出席活動,並是全場最吸睛的一位,以背心上陣展露東西半球的她疑似真空上陣,飛釘激凸。提起現在八個月大的兒子,Rosemary冧笑指早前一家三口到泰國度過首個母親節,大讚兒子全程「好湊」不扭計,問會否再生多個?她說:「我啱啱先瘦番咋!不過老公好想生,囝囝真係Sweet。佢識用廣東話講『爸爸』。(你有冇呷醋?)呢個唔計,佢講開英文,佢講Daddy先計數。」對於有否探望剛生B的好友樂基兒,她說:「佢之前講咗坐月唔想人去探佢住。(問你湊仔經?)未生前有傾,依家佢有屋企人同陪月幫手。」

琦琦透露早前和女兒任晴佳在英國度過溫馨母親節:「佢訂咗間餐廳慶祝,仲有個煙火蠟燭蛋糕,以前佢會寫卡畀我,今年佢寫咗本書畀我,20幾頁紙讚美我。佢寫呢個世界最好係媽媽,永遠唔會畀壓力,又鼓勵佢做自己鍾意嘅嘢,我收到真係好感動。」

琦琦收到囡囡寫書讚她是好媽媽。