Robynn宣布大肚6個月:隱瞞了大家這麼久

恭喜晒~~~

組合Robynn & Kendy成員Robynn(葉晴晴)去年與圈外男友Jonathan結婚,尋日就係二人拍拖十周年紀念日,Robynn趁住好日子,今日即自爆原來佢唔聲唔聲已經懷孕5、6個月,依家肚仔愈嚟愈大,藏都藏唔住,所以決定公開大肚消息。

Robynn講到自己開始籌備新歌同自由身創作音樂路時,就忽然得知懷孕消息,初時佢都擔心自己會應付唔到,不過佢都努力學習平衡生活同工作,佢更加點名多謝老公嘅體諒同照顧:「從我當初最辛苦、最頭痛、最想吐、最徬徨、最擔心疫情的時間到現在,一直都在我身旁支持着我,沒有離開過。我也不必懷疑你將會是一個絕世好爸爸 ☺️ 謝謝你。」認真Sweet!

不過Robynn都坦言謂之前佢隱瞞咗大家咁耐,依家BB大得快,個肚都瞞唔住喇,又表示係上天給予佢哋屋企最好的禮物,並向亡母說道:「相信天上的媽媽已經知道,她終於要當上婆婆了!還是一如既往的,想念妳。」

Robynn倚窗邊,摸住肚仔同大家公布好消息!
咁啱仲係佢同老公拍拖十周年紀念。
見佢凸晒肚,原來已經有咗5、6個月喇!