Rainbow爆村民冇肉食 偷出外買餸被拘留

Rainbow爆村民冇肉食 偷出外買餸被拘留

現身處於武漢嘅𡃁模胡淽喬(前名為胡心諾、Rainbow),幾乎每日都喺社交網更新當地最新情況,不經不覺武漢封城第34日,佢透露農村只要落大雨就可能停電,而尋晚下起滂沱大雨,半夜一點多又突然停電,令佢嚇一大跳。

此外,由於現時Rainbow所住嘅村被限制出入,因此只能代購簡單嘅蔬菜,就連買肉都有困難。佢更透露鄰村有村民偷偷出外買餸,最終因違反禁令而被捕去拘留14日。Rainbow仲話有啲家庭甚至冇肉食,但好彩鄰居有養雞同去河邊捉魚,佢先至每餐有肉食,所以佢話依家四餸一湯已經好滿足!