【離晒地】《星星探親團》十優港姐麥明詩被狠批晒命

無綫節目《星星探親團》搵咗一班曾經喺外國留學嘅明星重返校園兼探訪親友。上星期去完加拿大之後,噚晚嗰集輪到十優港姐麥明詩(Louisa)返英國劍橋,唔少網民睇完都狠批佢狂晒命、直情離晒地。

有網民就邊睇邊喺討論區度鬧,話麥明詩唔靚、皮膚又差、咁都可以當選港姐云云。而且頭個5分鐘就不斷講自己讀書幾叻、令人覺得佢性格認真麻麻、而最緊要就係經常晒命:講到佢住嗰間宿舍要500磅一個星期,不過唔係你想住就可以住,因為係要呢度嘅學生先可以住、又話佢同當時男朋友睇星星,佢男朋友淨係見到兩粒星,就係佢雙眼等等都令到觀眾十分反感。而且麥明詩又經常扮到自己好Social咁,可惜D英文又唔似高材生。當時亦有報道指Louisa同攝製隊未經學生會批准就拍攝,更有人懷疑Louisa同工作人員去舞會呃飲呃食等等。之後有在場人士形容Louisa為“She seemed nice, but not very talkative.”有幾Social,一目了然。

不過都係呢句,這些機會不是屬於我的……