Phoebus唔覺有偏心

東方日報
Oscar(左起)、Phoebus及MC電暈唔少妹妹仔!

ViuTV選秀節目《全民造星II》圓滿結束,參賽者大受歡迎,有指ViuTV獨捧「造星幫」,與半數合約藝人解約。《造星II》出爐三甲Phoebus、MC及Oscar昨日受訪時表示沒有聽聞,不覺公司偏心,這些事亦不到他們處理。ViuTV高層金廣誠亦否認消息:「唔知點解有咁嘅傳聞,經理人部冇變動。」

而人氣高企的Phoebus、MC及Oscar談到未來發展,他們坦言未簽合約,Phoebus說:「有同ViuTV商討過,但具體情況要睇佢哋決定,亦未同其他公司接洽。自己鍾意唱歌跳舞,對主持、拍劇有興趣,自己都鍾意ViuTV嘅發展路向。」MC則想見識更多再定去向,Oscar就笑言希望有公司簽約。

粉絲送禮預埋女友

Phoebus和MC已公開有女友,他們不怕惹來粉絲不滿,MC說:「如果唔講,畀人踢爆咗粉絲會更加唔鍾意。」Phoebus則坦言奪冠後想低調處理感情事:「想保護對方,唔想影響到佢,慶幸有好好嘅粉絲,送禮會送多份畀佢。(出街會唔會避忌啲?)作為公眾人物,喺街都唔應該做啲好誇張嘅行為。」MC則表示不會刻意改變模式。