歷屆視后最佳演技網上投票

由1997年起每年TVB嘅頒獎典禮都係一個吸睛節目,雖然今年嘅頒獎典禮結果已塵埃落定,但一眾網民就喺網上發動一個歷屆視后最好演技投票區,結果係............

第五位:米雪
憑《溏心風暴之家好月圓》飾演殷紅一角於2008年獲最佳女主角。
米雪都算係老戲骨,啲戲做得好就唔在講,形象又健康,又係凍齡一族嘅代表。拎頭五位真係一啲都唔出奇。

第四位:關詠荷
憑《苗翠花》飾演 方世玉之母苗翠花於1997獲最佳女主角。
可以話係第一個拎TVB頒獎典禮嘅最佳女主角,記得當年佢為TVB當家花旦,得到最佳女主角都算係理所當然。其實關詠荷近年產量大減,公眾場合都好少出席,但竟然十多年後嘅今日仍然有票得第四,證明觀眾有幾鍾意睇佢做戲,有幾掛住佢啦!

第三位:李司琪
憑《溏心風暴》飾演凌巧於2007獲最佳女主角。
大契一角深入民心,可以睇到司琪姐演技功力深厚。而事隔咁多年司琪姐仍可以得到網民嘅支持,代表左網上嘅投票唔係偶象派嘅專利。













 
第二位:佘詩曼
憑《使徒行者》飾演丁小嘉於2014獲最佳女主角。
憑《鳳凰四重奏》飾演魏瑜鳳於2006獲最佳女主角。
今年《使徒行者》大熱,釘姐一角亦好受觀眾歡迎,賽前呼聲亦係最高,第二位絕對唔出奇。港姐出身嘅佢演技的確成熟不少。

第一位:鄧萃雯
憑《巾幗梟雄》飾演康寶琦於2009獲最佳女主角。
憑《巾幗梟雄之義海豪情》飾演鄭九妹於2010獲最佳女主角。
鄧萃雯實力無容置疑,佢每一套戲都好令大家期待。希望鄧萃雯快啲再拍劇啦!








 

唔知呢個結果同大家心目中嘅一唔一樣呢?大家心目中嘅視后又係邊個呢?