【大廚霆鋒新搞作】即食拌麵套餐價77蚊 網民食評:油大得離譜

霆鋒研發1年推出「鋒味拌麵」,但卻遇上負評。(互聯網圖片)

「Chef LeMon」謝霆鋒廚藝精湛,餐飲副業搞得有聲有色,包括香港「鋒味曲奇」多家門市、北京「鋒味實驗室」餐廳,最近更進軍即食麵市場,研發1年推出「鋒味拌麵」,並在自家餐廳即煮即賣,吸引唔少人慕名幫襯。

「鋒味拌麵」共有三款口味,包括麻辣、三杯、櫻花蝦紅油,賣點係無添加,冇防腐劑冇香料冇色素冇味精,使用非基因改造黃豆釀造醬油。非油炸麵。至於68蚊人仔,睇番官網宣傳照,其實係套餐價,包埋飲品,而碗麵仲包埋「鋒味拌麵一份,搭配鋒味臘腸、秘製滷蛋、小油菜,及香草西柚蘇打一杯」,而且係標榜無添加,加埋人力、舖租等成本,抵唔抵食就見仁見智啦。

不過,近日有大陸民眾在網上發表食評,表示5粒星只會俾2粒星,留言﹕「兩星給環境服務,68元(人民幣、約77港元)吃了個方便麵雞蛋,雞蛋還就給一半,味道也那麼回事兒,油大得離譜。」又嫌餐點CP值低,味道普通,而最重要係唔可能遇見謝霆鋒。

綜合食(過)家評點:
「他的乾拌麵買過一次,我沒再買了……」
「我覺得是還不錯吃」
「超級普通!完全不會想再吃第二次」
「如果他親自下麵那還可以,如果只是加持,我覺得不行。」
「在香港的鋒味曲奇只在大陸遊客地區有分店,也只有他們會賣。在香港沒有大受好評!」

講開又講,大家有冇食過Chef LeMon最近「研發」嗰款包?聽講好多人都話………嗯嗯……

拌麵套餐價68元人民幣,值唔值自己諗。(互聯網圖片)
鋒味嘅facebook專業,都有貼食客讚好嘅相片。(fb圖片)
鋒味嘅facebook專業,都有貼食客讚好嘅相片。(fb圖片)
拌麵係即叫即煮嘅(fb圖片)