Ming仔上載短片惹網民不滿 諗住捐錢補救點知越搞越禍?

爆紅KOL「Ming仔」梁嘉銘喺16日星期六於個人Page發表一個標題為「和你傾政治-我的角度」嘅影片,結果引起網民極度不滿,紛紛unlike同unfollow佢。

Ming仔

其實好多認識佢嘅人都知道5年前「雨傘革命」行動,都曾經見佢Facebook頭像轉成黃絲帶頭像,以往Ming仔一直都會為國家政治問題拍片講感受,就算今年年頭嘅「英國脫歐」事件佢都會發表意見。但由年初開始都少見Ming仔放自拍片上個人影片頻道,未知係咪因為驚與現有嘅電視台、平面廣告及旅遊節目合約嘅影響,所以不敢多發一言以免影響工作?

不過對於今次反送中運動,Ming仔竟然無端端於個人Page進行直播,惹來更多人討論及引起爭議。Ming仔於直播途中表示自己唔會捐助星火,因為捐助星火就同支持勇武派冇分別。而且佢個人更認為「犯法就要拉」、「兩邊武力開始對等」等言語不特止,更向網民表示唔同意佢意見者可以即時割席。


Ming 仔 個人page 截圖


好多網民睇完直播後隨即發起「罷睇Ming仔的行動」,用行動證明割席就割席。原本有多達42萬讚好嘅專頁,至今已經跌至只有26萬多人讚好,更被大量網民圍插。

今日Ming仔於早上上載一張以「$1零頭」捐款收據,唔知加拿大國藉嘅Ming仔係真唔知定點,$1零頭咁唔好意頭都上載出嚟,隨即再一次惹來大量網民短時間大量轟炸圍插,相片都俾Ming仔極速刪除。

Ming仔 Page截圖



Ming仔為咗補救,佢又再一次po文話於今日下午大約1點貼文入$1零頭係無心之失,只自己心情太亂,冇思考清楚就入一個唔好意頭嘅數目,唔求大家原諒但只希望自己出分綿力可以幫助到有需要嘅人。

Ming 仔Page 截圖


未知網民對於佢呢個補救行動又收唔收貨呢?