Lokman驚風頭被搶 Say No!

東方日報
釗峰(左二)睇好Lokman(左),但姜濤(右二)大熱,Ian(右)信心亦強!

ViuTV選秀節目《Good Night Show全民造星》冠軍今晚揭盅!決賽前夕,昨日進行拜神儀式,十強更率先跳唱一首歌作熱身,為今日演出作最後準備!

釗峰打友情牌

其中被好友狄以達睇好的參賽者Lokman,自爆婉拒對方自薦做Dancer的好意:「佢話喺自選環節如果有需要,可以幫手跳,蒙面都得,我驚佢搶我風頭,叫咗其他兄弟幫手。」他承認有狄以達拉票有一定的號召力,但自己亦信心十足。

表演嘉賓釗峰亦舉手力撐Lokman,大爆受狄以達「指令」於演出時幫手拉票:「會同咁多位參賽者合唱《月亮不代表我的心》,佢叫我記住講34號Lokman,一路唱一路講34,暗地裏滲喺歌詞度。(你都睇好佢?)會睇臨場表現,但如果有份投,友情牌都係畀佢。」

姜濤「佛系」心態

被視為大熱的姜濤會以平常心看待,問到怕不怕表演期間失手?他說:「唔驚,係驚唔知點樣去彌補番,Eric Kwok教落作為藝人要盡快忘記失誤,要盡量做到呢一點。」問到可有叫Fans幫手拉票?他笑言以「佛系」心態面對:「我嘅性格係如果你真係鍾意我就會過嚟。」另一參賽者Ian表示信心一半半,只想做好場騷:「勝負唔係睇得太重,參賽目的都係想多啲人認識,或者得到人哋認同,比賽過程中已經達到目的,又有一班Fans支持。」

《全民造星》今晚決賽,十位參賽者做好最佳準備。