KOL真係咁好搵?麥明詩自爆一個post值幾錢

無綫節目《#後生仔傾吓偈》除咗話題貼地之外,兩位主持麥明詩和馮盈盈嘅說話都好有話題性,所有節目成功吸引唔少觀眾收睇。最新一集以「筍工」為主題,麥明詩自爆自己IG一個post賺幾多錢,估唔到佢哋為咗呢個節目都去到咁盡喎~

節目開頭就有一班大專生KOL講吓自己做過/聽過,又或者認為邊份工係筍工。之後佢哋就講到唔少年青人認為KOL係筍工,麥明詩就話KOL其實冇大家想像中咁好,因為競爭大同埋賺錢之前你要出好多冇錢嘅post。之後佢仲話share一啲嘢就有5位數字一個post,隔離大專生Kelvin即係話佢得3位數字,連馮盈盈都忍唔住問佢做咩連呢啲商業秘密都講埋出嚟。

嘩!原來Share一個po就有5位數字,怪不得人人要爭住做KOL喇!