JW「代駕司機」被取笑「待嫁」

東方日報
JW抵得諗揸車送朋友,自封「代駕司機」!

歌手王灝兒(JW)與林德信(Alex)昨日到尖沙咀出席Volkswagen新車活動,身兼瑜伽導師的Alex更即場教JW瑜伽動作。JW透露獲Alex做「柴可夫」載她到場,她已有車牌十年,但久沒揸車,近日有揸番車,但到九龍就唔識路。問到可有被男友取笑?她說:「冇呀!我叫佢要好有耐性咁教我,唔可以鬧我,唔係我會唔想揸車o架!所以佢最近特別有耐性同愛心。」近日世界盃賽事熱播,與朋友一起睇波時,為了令朋友盡興,她會滴酒不沾做「代駕司機」,不過卻被取笑為「待嫁司機」,令她尷尬傻笑。

Alex被問到是否經常載女仔兼唱歌給對方聽?他笑說:「有呀!我4歲嘅姨甥女,佢最鍾意卡通主題曲。」

林德信指導JW做瑜伽動作。