Jessica笑未婚夫煩過女人

東方日報
Jessica挨住Steven影婚照,甜蜜又幸福。

組合Super Girls成員Jessica昨日開始派嫁女餅,禮盒上附有一張印有二人英文名縮寫「JS」的婚照,穿上低胸大露背婚紗的Jessica,依偎在未來老公陳冠(Steven)身邊,十分溫馨!

早前兩人到日本米子市拍了多輯婚照,其中在沙灘取景的一輯十分性感,她表示男友沒禁止性感,反而她投訴男友經常扮Chok,煩過女人︰「連攝影師都頂唔順,成日笑佢『可以出道喇』。」

呻攰嗌停

攝影師拍Jessica獨照時,Steven都不斷在旁邊擺甫士,故攝影師惟有滿足對方,轉拍新郎哥,最難得是他愈拍愈起勁,Jessica說:「佢有好多Idea,畀好多參考圖攝影師睇,佢就樂在其中,比女仔要求更多。雖然今次係幾好玩,不過因為佢好多要求,影到我好攰,我同佢講唔好再影,佢就會話『我人生得一次,你好好配合我啦』!反而係男仔咁同女仔講,都幾好笑!」今年4月,Jessica宣布與拍拖近6年的圈外男友Steven訂婚,兩人已定於下月27日在台北擺喜酒。

穿上性感婚紗的準新娘,分外明艷照人!
Jessica派嫁女餅,還附有印上「JS」的婚照。