Do姐拍檔逐個數 一定要高IQ高EQ?

鄭裕玲(do姐)主持嘅綜藝節目每次都會掀起話題,就連《do姐去旅行shopping》去買野都大把人睇,但節目內容竟然唔係重點,大家嘅目光總會放喺佢同拍檔身上。 梗係啦,do姐出晒名有taste ,佢揀得上手嘅都有返咁上下水準。但揀拍檔方面,do姐就好似無乜揀擇喇!

農夫 & Do姐

do姐博學多才的才女形象往往比人一種不敢靠近嘅感覺,偏偏佢嘅拍檔都係鬼靈精馬,搏咀搏舌嘅「死o靚仔」。互相鬥氣,火花不斷引發觀眾捧腹大笑。有最初同do姐拍tvb綜藝節目《逐格鬥》嘅騎尼組合「艾粒」,電台出身嘅阿奴同阿占口才當然好啦,成日窒到do姐面到紅晒,大嗌「夠喇!」先控制返個場面。

I love you boyz & Do姐

接班嘅農夫又係組合出身,兩人一唱一和,同樣非常有火花。當中c君比較大膽,最鍾意幫do姐改花名, 曾經試過將dodo 姐名字改為過去式「did did 」,網民like 爆!

農夫& Do姐

而陸永牛高馬大但膽子細,只會在c君旁邊贈慶。Do姐都笑佢係「垃圾」。雖然兩位非常搞笑但顏值仲差少少,所以節目組今次《晚間看地球》就加咗靚仔余德承美化畫面,氹得do姐相當滿意。

余德承&Do姐

最後不得不提「子華神」黃子華,do姐於2000年同佢合作劇集《男歡女愛》,mean爆嘅中女律師遇上口齒伶利師爺仔,兩人從一見面就鬥氣到發展出一段姊弟戀,到依家大家都對套劇非常深刻。

子華神 & Do姐

不過亦都唔係每一個拍檔都叫好喎!《Do姐去shopping》嘅黃翠如就負評多多啦!冇辦法啦,對住三位轉數快丶又talk得之人,比人串就口窒窒,邊度答到咀呀,唯有練好口才繼續努力啦!

Do&黃翠如&農夫 《Do姐去shopping》