【Clockenflap】全港網民集氣成功 將清潔龍阿德推上舞台

1 / 1
【Clockenflap】全港網民集氣成功 將清潔龍阿德推上舞台

清潔龍阿德同任何仁兩隻政府吉祥物一齊上台唱trap係咩玩法?我見過,我真係見過!

一連三日的本地音樂盛事Clockenflap昨日(10/11)開鑼,經過網民連番集氣,終於將「新進rapper」Lil Tak(即清潔龍阿德)推上舞台,更擔任米奇老味神奇屋(The Low Mays)的暖場嘉賓,簡直是創舉。

清潔龍阿德的號召力不容輕視,Clockenflap於中環海濱舉行,場地之大相信大家都有概念。不少觀眾由主舞台的一端蜂湧而至,跑到阿德表演的舞台,沿路更有人說:「我要跟住佢唱『點點點點點會,點會冇倒,點會冇倒,點會冇倒積水』!」他們都有備而來,背好這段「清潔Trap」準備癲番晚。

阿德上台先聲奪人,向住The Low Mays的翁三姑說:「你哋唔好亂拋垃圾喎!我就係清潔龍阿德呀!」簡單一句引起全場哄動,台下尖叫聲四起。阿德製作團隊的成員相繼出場,他們打趣道:「你哋有冇like我哋個page呀?我哋要追數呀!」

全場大合唱「我個名叫Keep Clean Ambassador,保持衞生你我就係 Brother」場面相當震撼,尾段「快嘴」rap部份將氣氛推至高潮,然後「任何仁」亂入手舞足蹈滿場跑,全場陷入一片瘋狂。落台前還提醒大家要收好垃圾保持場地清潔,可算是最有教育意義的一場Hip Hop表演。

點擊瀏覽《香港01》更多內容和圖集

你可能感興趣:
【Clockenflap】台灣爵士歌姬9m88站台 最Chill表演帶來真Encore
【Clockenflap】英搖男神Jarvis Cocker首襲港:言論自由很重要