Carman玩賽車Game得個撞字

東方日報
親自落場感受賽車的引擎聲,Carman大叫興奮。

女子組合Bingo成員Carman(關嘉敏)日前獲邀到澳門出席賽車活動,特地身穿皮褸皮裙配合賽事,大騷長腿。她表示今次是首次到現場觀賽:「冇諗過現場睇會咁令人興奮,不論係賽車、賽車手、服裝定引擎嘅聲,簡直嘆為觀止!」她表示本身很喜歡玩賽車遊戲:「但Game入面嘅我,手車係超級差,經常都包尾,又撞嚟撞去,撞到冇方向感就逆線行,爸爸成日都叫我第時唔好考車牌,費事嚇親人,反而大個去玩室內賽車場就好少少,可能有手感真實啲。」她坦言有機會的話,想真正學賽車:「不過我諗首先要學晒保護自己嘅方法先,因為我撞車同着火嘅機會好大,哈哈!」