C君影婚照畀錢仲要畀人點

東方日報
C君與黃天頤於富士山下影婚照,畫面唯美。

組合農夫成員C君與DJ黃天頤將於本月13日結婚,早前二人到日本富士山影婚照,一心想影紅葉婚照的C君,誤信網上KOL指10月底有紅葉:「去搵婚攝公司,職員話要11月中先開始有,仲唔係度度有,最後揀咗富士山。」拍攝當日,現場不多紅葉,幸好天朗氣清,拍出來效果勁有Feel。

一對新人造型有別傳統,走型格路線,天頤表示:「C君強調輯相主題係開心,如果着婚紗影相好難開心,又緊又窄又要縮肚,仲要顧有冇走光。」又指最難是情深對望:「因為要喺鏡頭前做啲親密舉動,好尷尬,對望又忍唔住笑。」C君則笑言:「自己從來冇畀錢影相,只有收錢影相,畀錢影相仲要受人命令!」

C君、黃天頤