Bobby口花花喪撩群姐暈浪:要睇你支旗

東方日報
與Bobby玩完「三世緣」又飲交杯酒,群姐開心到暈晒浪!

無綫「福將」歐陽震華(Bobby)早前拍攝兩集《愛.回家之開心速遞》,創下該劇最高收視成績,「群姐」許思敏笑言再合作要看Bobby「支旗」,聽到全場哈哈大笑!

歐陽震華客串處境劇《愛.回家之開心速遞》中的《波比與群姐的前世今生》,上集錄得該劇播映以來最高的32.3點收視,而下集亦有31.3點,成績驕人,昨日他偕「群姐」許思敏、劉丹、滕麗名、陳偉琪、張景淳及呂慧儀等開心祝捷。

群姐笑指Bobby令她人生增添美麗色彩,Bobby即搞笑指兩人相逢恨晚,生不逢時!群姐問Bobby會否再拍?Bobby笑說:「我永遠都OK,睇群姐。」心花怒放的群姐即自言是對方的超級粉絲,與他拍甚麼也開心,更口快快說:「Call佢返嚟拍《愛.回家》,就要睇佢支旗喇!」Bobby即抵死笑說:「睇我支旗?我不嬲插穩咗喺度,TVB係我山頭嚟,不過又唔可以咁密,等觀眾消化吓先。」

滕麗名詐型

滕麗名因拍攝電影《尋秦記》而錯過與Bobby再合作的機會,要求他再客串:「嚟到我地頭,竟然唔同我玩,真係嬲,就算我路過都好吖!」而拍過無數處境劇的劉丹,覺得為《波》拍通宵也值得,問到可希望增加感情線?他笑說:「我呢啲年紀有感情線,好似唔係好舒服。」滕麗名即笑說:「談情戲你諗清楚,要付出代價通頂o架!」

滕麗名早前膝蓋韌帶撕裂,她透露康復中,不想做手術:「希望剩低嗰10%唔好斷,斷咗條筋好容易萎縮。」劉丹笑說:「筋嘅嘢真係好緊要。」

「細龍太」陳偉琪以低胸裙騷Quali。
劉丹講起感情戲,滕麗名即搞笑加把嘴。
劇中一對的呂慧儀與張景淳,做乜咁生疏?