【BB來了】盧宛茵曾演「潮文」白鴿眼伯母:第時女婿無樓唔緊要!

盧宛茵(Madam Lo)在TVB劇集《BB來了》中飾演惡奶奶,除此之外,其曾在「公屋潮文」《女朋友帶你返屋企食飯》中,飾演一名「白鴿眼」嘅「伯母」,同樣深入民心,這位伯母因應阿女男朋友來自不同階級及地區住所,而作出不同的表情變化,演技從內而外,層次分明,令人拍爛手掌,網民大讚她是刻薄奶奶和刻薄外母的代表,不過她說自己在現實中卻是一名開明的奶奶。(詳見文章:【BB來了】盧宛茵演刻薄奶奶演技獲讚:同現實中嘅我相反)

現實中嘅Madam Lo又係咪呢種「準外母」呢?她接受《香港01》訪問,不諱言對「未來女婿」有一定的要求:「有時都會畀啲意見,不過佢聽唔聽一回事啦,個男仔最緊要有用囉,唔好嫁個廢人,唔需要佢好富貴,最重要係有上進心、有學識、有責任感,對個女好。」其實作為一個母親,對女兒個對象有一定嘅期望,其實相當正常,有邊個媽咪唔想自己個女嫁得好啫?

不過現時香港樓價貴太癲,外母睇女婿,唔多唔少都緊張佢有無物業揸手,Madam Lo就話自己唔係太Care將來個女婿有無樓:「我覺得最緊要有事業,有實力,唔計較佢有樓好定租屋好,個人無用,有樓都要搞到賣樓啦。」想食雞髀唔一定要有樓,但一定要有上進心。

【BB來了】盧宛茵演刻薄奶奶演技獲讚:同現實中嘅我相反

【BB來了】Ali同學張韋怡曾遇「地獄陪月」:佢搞到我個仔生粒粒

【BB來了】李佳芯演媽媽情緒起伏好入戲 生仔似走過鬼門關無誇大

點擊瀏覽《香港01》更多內容和圖集

你可能感興趣:
【BB來了】盧宛茵演刻薄奶奶演技獲讚:同現實中嘅我相反
【BB來了】李佳芯盧苑茵展婆媳大戰 新抱奶奶永遠睇對方唔順眼?