Baby機場畀仔撩 一句說話嚇到眼都凸埋

唔知使唔使話畀老公知呢?

女星Angelababy做咗媽咪都就嚟3年,成日都畀人見到佢湊住「小海綿」周圍走,不過人妻人母都有佢哋嘅魅力,好似Baby咁去個機場都畀男粉絲撩,仲撩到佢眼都凸埋嚇到要低頭掩嘴偷笑,唔知佢內心係咪驚畀老公黃曉明知呢?

見今日佢喺北京機場現身,等緊過關時,就有位男粉絲向佢大講土味情話,問Baby登機係咪唔記得帶嘢?嚇到Baby即刻反問唔記得帶乜,位粉絲就話:「你是不是忘帶我了?」Baby即時畀佢氹到低頭偷笑,仲笑到要用手掩住個嘴,而佢身旁有位女士更幫口笑位男粉:「你也太土了吧!」真係估唔到搭個飛機都有仔撩,證明Baby仲係魅力沒法擋呀!