B女腳頭好!周柏豪變師奶殺手超市惹混亂

囡囡好旺爸爸。

藝人周柏豪為無綫劇《多功能老婆》出席宣傳,講到昨晚播出的一集,他黐鬚與千嬅浪漫共舞一幕,不少Fans都有私訊說他很浪漫,為千嬅做的種種事更被感動到喊,對觀眾的支持:「好感恩收視咁好。除咗故事紮實,BB女嘅來臨帶嚟好運,當然希望佢一世旺爸爸啦。」柏豪稱自劇集播出後,擴闊了他的觀眾層面,日前去超市購物,收銀姐姐和顧客都要求和他集郵,引起一陣混亂。

慳錢買尿片

問到老婆可有追他劇?他謂因湊B都只能看重播,而他這位新手爸爸最熟手是換尿片:「好有滿足感,咁湊bb冇說明書,依家慢慢摸索緊bb嘅性格。(高分爸爸?)不過不失,有進步空間,太太佢好好,我哋都會一齊餵夜奶,但近排忙於劇集宣傳,試過太攰半夜起唔到身,太太都冇叫我起身幫手,佢自己搞掂,做阿媽係好偉大。」BB改好名未?柏豪謂:「師傅已經畀咗幾個名我哋揀,好快會決定,因要攞出世紙,否則逾期被罰錢。(罰幾百啫?)慳得就慳,幾百夠買尿片。」