AGA紅運豐收誓過肥年

東方日報
AGA(江海迦)

農曆新年將至,有西班牙血統的AGA(江海迦)與家人仍跟足中國習俗準備八寶盆、賀年糕點,又會布置屋企貼揮春,她又自爆是「明燈」,逢賭必輸,年年家庭聚會玩魚蝦蟹必定「墊底」,她誓言今年要成功翻盤過肥年﹗

AGA日前為太古城中心與Coca-Cola®攜手打造的「紅運豐收」主題活動擔任揭幕禮嘉賓,一次過跟Fans大玩多個互動遊戲收集當紅開運符號,其中一個遊戲是跟Fans設計個人化的可樂樽身貼紙,亦令她最為深刻︰「覺得當賀禮送畀人都幾得意,又可以飲,好少見到自己個樣喺樽身度。」另外,場內更有3幅以超過15,000罐Coca-Cola

®砌成的超巨型主題牆打卡,祝賀各位於新一年幸福美滿!

封大利是孝敬父母

自認超傳統的AGA,每逢新年都會做助手跟媽媽入廚,製作多款賀年食品,例如南乳齋菜、蘿蔔糕、八寶盆︰「全盒會有蓮子、白兔糖,呢啲係成長嘅回憶。」應節習俗還有貼揮春及派利是,希望身邊家人、朋友都過個開心年,她說︰「臨近新年屋企會貼揮春,個福字又會倒轉貼,一見到啲寫得好靚嘅揮春都會買,覺得係藝術之一,仲會掉轉派利是,未結婚都照派,記得細個會講好多祝賀說話去(豆)利是,大大吓想大家都開心,爸爸媽媽嗰封唔少得會大封啲!」她又表示成為歌手後,可完成自細最憧憬的事,於「公仔箱」內跟廣大市民拜年,散發愛的訊息。

被催拍拖「嚟緊(0架)啦!」

憶述最難忘的新年,AGA指小時候過節最開心、幸福,因為親戚朋友容易聚首一堂,趁機會又可小賭怡情一番,更自爆賭枱上有獨特綽號︰「工作上各有各忙,能夠一日見齊人嘅機會唔多,記得細個會同表姊妹玩大細同魚蝦蟹,個個都叫我做『明燈』,買乜都輸,屋企人好醒會買相反,我永遠都係墊底嗰個,想打破呢個『歷史』好耐,希望今年成功!」

講到拜年少不免會被家人催拍拖,AGA笑言年年都走唔甩婆婆的手指罅︰「可能佢傳統啲,每年必問,而我年年都會答『嚟緊0架啦!』。(新一年願望搵另一半?)暫時集中落紅館騷先,緣分到就到,自己都唔會抗拒。(愛音樂加分?)會Sweet啲,但鍾意動物比較重要,因為屋企有3隻狗同1隻貓。」

AGA為主題活動擔任揭幕禮嘉賓。
場內用罐砌成的超巨型主題牆是打卡位。
場內布置充滿節日氣氛。
AGA唔只(豆)利是,仲會派利是添!