AGA初煮咕嚕肉 爸爸食評 講不出聲

東方日報
AGA跟黃祥興學廚,想炮製美食氹父親。

唱作才女AGA(江海迦)趁父親節來臨,專誠跟圈中暖男廚神黃祥興「拜師」學廚。自言對烹飪一竅不通的她,在祥興帶領下,順利煮出色香味全的西班牙海鮮炒飯,試食後她自誇:「學做呢道菜,令我對入廚有番信心!第一次為爸爸學西班牙菜,好期待有日下廚煮畀爸爸食!」

她自爆之前唯一一次為爸爸下廚,當時挑戰整爸爸最愛的咕嚕肉,不過其評價是:「叫我以後唔好再煮……哈哈,講笑!佢冇出聲,默默咁食晒!」她坦言除了爸爸之外,從未有人「有幸」試過其手勢,因不想危害別人健康,認為烹飪需要練習:「如果煮完逼人食,即係難為對方。」祥興聞言即說:「可能下一個食你煮嘅嘢,就成為你嘅真命天子!」她即耍手擰頭。