9月洩密疑有新歡!龐卓欣終認戀金融才俊

龐卓欣6月宣布分手,9月被發現疑有新歡,依家終於公開戀情!

2015年港姐亞軍龐卓欣(Ada)6月宣布與拍拖6年有米男友孫智威(Solomon)2月底分手,但3個月後,佢就自己洩密被發現疑似有新歡,戀上金融才俊Patrick。再事隔3個月,Ada終於公開戀情,喺社交網上載手拖一男子嘅背影照,而對方就係Patrick!

兩人最近同兩個女友人去咗日本滑雪,本來只係喺Instagram上載大合照嘅佢,即惹嚟網民問係咪有新男友,雖然佢冇回應,但佢就喺限時動態低調晒蜜照,唔只拖實男友,又喺纜車上挨到實,非常Sweet!

據指,Patrick畢業於德克薩斯大學達拉斯分校,主修金融,名副其實係高富帥!