88歲朱維德節目被Cut呻無綫衰

東方日報

由現年88歲的資深藝人朱維德(朱翁)主持的24年長壽節目《文化廣場》,昨日是最後一集播放,是繼《今日VIP》後又一停播節目。朱翁昨日受訪時對節目停播表示沒有依依不捨,他稱自己從其他途徑收到有關消息,反而公司完全沒有正式通知:「依家佢哋立立亂,喺一個月前同我講一月就唔係你哋做。不過,據我所知台前幕後都唔使做,改為買片返嚟播,唔知係買台灣定大陸,將來有冇人睇,我唔會理。你做得好,佢都Cut你梗有原因,因為佢窮冇錢,咪慳啲。(會唔會影響節目質素?)呢個唔關我事,但肯定啦!愈做愈衰。(有冇唔捨得?)我冇唔捨得,只係當一份職業。」他稱六月便約滿無綫,但暫時未有人找他傾續約。