49歲梁琤打女成名撐起成頭家 為患癌父親棄事業8年!

東方新地 - 娛聞

現時49歲女星梁琤曾於無綫劇集《巨輪II》中飾演大奸角吳岱融(飾演高天鷲)老婆 ,自出道以來,打女形象一直深入民心,又曾被譽為香港影壇最溫柔的打女。不過家人大過天,早年,正當佢處於事業高峰之時,卻因父親患病而決定暫退演藝圈!

撰文:東方新地|圖片:新傳媒、梁琤ig

延伸閱讀:

謝安琪老婆視覺下的老公 張繼聰:我好似個阿叔!

大笨鐘維修緊但影到全貌?沈卓盈 直認婚照有P圖

梁琤拍攝新劇

曾於TVB劇集《巨輪II》扮演吳岱融(飾演高天鷲)老婆嘅梁琤最近為TVB新劇《唐人街》開戲,並一身泰式裝扮現身拜神儀式。

話說,入行近28年嘅梁琤多年嚟甚少負評之餘,亦好少有緋聞。可惜,縱然有樣有苗條身型嘅佢入行多年,至今仍未有一部戲足以令佢一炮而紅。

古裝劇《金枝慾孽》中飾演弱質纖纖嘅福貴人

打女成名撐起成頭家

當年21歲參選亞洲小姐嘅梁琤雖然名落孫山,其後獲電影監製賞識,92年憑第一部主演電影《黑貓》動作片獲得香港電影金像獎「最佳新人獎」,成為香港影壇新晉打女,之後接拍多部動作片,如《重金屬》、《霹靂鳳凰》、《錯體追擊組合》等,可惜當時觀眾對香港動作片反應冷淡,於是佢決定轉拍劇情片。

週末愉快!😉❤️

A post shared by Jade Leung 梁琤 (@jadeleungofficial) on Jul 20, 2018 at 10:16pm PDT


拍電影燒傷

不過,1995年梁琤拍攝電影《影子敵人》時,因為計錯爆破時間令佢燒傷入院,隻手燒到甩晒皮,最後要接受植皮治療,留低咗一世嘅疤痕嘅梁琤曾言:「喺大腿旁邊割一塊皮膚落嚟,蓋喺手。媽喊到豬頭,嗰刻我都喊,唔係因為燒傷,係因為令佢哋擔心,所以多年嚟我要自己做得健康啲。」,只為免家人再為佢擔憂。

然而,事年之後除生理上嘅疤痕,亦心理亦同樣重大陰影,梁琤曾透露:「依家撻Gas爐都會驚,會有壓力,好似一撻嗰吓成幢大廈都會爆炸,所以依家我都係用電磁爐」。

右手手腕留下疤痕。


為父棄事業8年

97年起,梁琤轉攻電視圈,更一改以往的「打女」形象,事業亦逐漸開始走上巔峰之際,爸爸卻突然罹患癌症,令佢心情如坐過山車般,大受打擊。為咁全力照顧父親,佢決定暫退演藝圈,陪伴父親四處醫病及化療。

面對身患癌症嘅爸爸,梁琤不惜花掉近七位數醫療費,仲四處打聽治病方法。當時梁琤聽說成都千年樹能將爸爸嘅病治好,佢亦毫不猶豫帶爸爸去,可惜最後其父於09年因肝癌離世。雖然其父最終離世,但梁琤自覺無遺憾,因親情係最寶貴!



對患病嘅父親照顧有加,身為家中大女,其實自出道以來就一直在供養4個弟妹讀書,如今即使弟妹已經長大成家,但依然喺經濟上予以支持,甚至連弟妹嘅孩子都一併撫養,家裏租金、裝修、電器、水電煤,所有雜項均由佢一人獨力承擔。一個女人在外打拼,要供養一家八口,定必大壓力,但梁琤接受訪問時,卻謂能夠與家人一同生活,是非常幸福的事,擔子重但從無怨言。

被拍到與外甥到超市購買日用品。

直至13年,Jade終於重返無線拍劇,更喺《巨輪II》中飾演大奸角高天鷲(吳岱融飾演)老婆,演技備受讚賞。

梁琤5
梁琤6

單身感情世界

至於梁琤感情世界,佢就指可能自己曾經做過打女,所以形象太深入民心,嚇親追求者喎!事實上,梁琤就坦言自己後生時的確有憧景過婚姻,不過人大咗就覺得愛情好大學問,因驚責任大而產生恐懼!



至今依然單身嘅梁琤謂感情事一切隨緣,覺得婚姻唔重要都無期望,有人追求但覺得唔合適就會立即停止。更表明擇偶條件最重要是疼愛佢家人。縱使冇情人,至少有家人,梁琤亦已為此感到非常滿足。

 


 

延伸閱讀:

陳茵媺細女戴后冠神還原媽咪當年 盡得媽咪真傳!