40歲幸福少奶胡杏兒 老公大讚:老婆有18歲樣貌,真係正

娛樂

11月6日係胡杏兒40歲生日,雖然已為兩子之母,但當然都要狂歡興祝「女人40」!胡杏兒大搞生日派對大宴親朋,當然少不了「胡說八道會」一班好姊妹及眾多好友,眾人相當盡興!

撰文、圖片:東方新地

胡杏兒踏入4字頭 「胡說八道會」紅衣贈慶

生日連串派對,先由杏兒老公李乘德(Philip)及杏兒的「胡說八道會」一班好姊妹胡定欣、黃智雯、姚子羚、李施嬅、胡蓓蔚同佢老公豹哥單立文為壽星女賀壽。

豹哥都跟足dresscode同成班女士鬥紅。
胡說八道會班姊妹為胡杏兒慶祝生日,大家dresscode著大紅衫,加埋金色氣球相當喜慶。

搞旺老公夜場 high爆杏兒向老公索吻

之後另一場再在Philip開的夜店開P慶祝,開P當晚,出席好友包括鄭嘉穎及陳凱琳夫婦、陳敏之、楊潮凱、JW(王灝 兒)等人,公主打扮的壽星女high爆全場,飲到滿臉通紅,在Philip陪伴下切生日蛋糕,期間更嘴嘟嘟向老公索吻,獲老公回吻壽星女即時甜笑舉起雙手歡呼,玩至深夜盡興而歸。

閨密慶祝完,胡杏兒大搞生日派對大宴親朋,場地當然是老公做主場嘅餐廳,順道帶旺老公生意,JW同有米男友都有出席。
少出席應酬的鄭嘉穎和陳凱琳難得撇低囝囝拍拖賀杏兒生日。
陳敏之、傅嘉莉、周志文和楊潮凱都來賀壽星女

感嘆時間飛逝獲老公甜蜜回應

踏入4 字頭的杏兒特別感觸,在社交網留言指覺得時間飛逝,感恩有好姊妹好老公當然唔少得兩個可愛囝囝,向來冧妻有一手的Philip亦留言大讚老婆:「 40歲的成就,18歲的樣貌,真係正!」 咁識講嘢,難怪娶得杏兒賢妻!

兩子之母胡杏兒踏入四字頭,老公Philip公開大讚老婆有40歲嘅成就,但擁有18歲樣貌,咁識氹老婆,真係抵胡杏兒人前人後都要讚嫁到個好老公。
胡杏兒大嘆時間過得快,一眨眼踏入四字頭,放閃話自己好幸福有好老公同一對可愛囝囝,自覺人生美滿。
曾揚言至少生三個的胡杏兒,話咁快到了40歲,要同老公努力造人趕快追貼進度。

延伸閱讀:

型格暖男大叔袁文傑 愛貓離世傷痛仍在

阿牛大爆小齊艷史 《夏日麼麼茶》兄弟相隔19年再合作