4位圈中主動做雪卵手術女星 雪卵最佳時間竟然係…

東方新地 - 娛聞

近期由田蕊妮主持嘅節目《女人四十》中,呀田就提到雪卵呢個話題!講起雪卵,原來圈中亦曾有4位女藝人公開承認做過雪卵手術,睇嚟女星都預算自己會遲生小朋友而為生B做定準備!

撰文:東方新地|圖片:新傳媒圖片庫、Instagram、微博

延伸閱讀:

《義不容情》第5-9集劇情 | 周海媚登場暗戀溫兆倫、有康有健兄弟多次爆爭執

《義不容情》第1-4集劇情 | (附精華片段!)藍潔瑛演活窮媽媽梅芬芳 捲入謀殺案被岳華判死刑

4位圈中主動做雪卵手術女星

|鍾欣潼(37歲)

鍾欣潼(阿嬌)今年結婚,婚後工作一直冇停過,而且仲會喺今個月喺香港要補辦婚禮,真係忙過不停!

然而,阿嬌都自覺自己年紀唔細,於是早喺之前就已做雪卵手術,方便將來生BB!

今天的我♥️ Dress @monographieparis @lanecrawford Heels @giuseppezanotti Earring @hanshsu_official #ireneisgoodxHansHsu Styled by @pipa.creative #PIPAstyling

A post shared by Q_gill (@q_gill) on Dec 6, 2018 at 7:27am PST



阿嬌更自爆自己只係雪咗3粒卵子,雖然醫生曾建議佢再做多次,不過阿嬌就話因雪卵後導致荷爾蒙失調,更肥咗20磅,不停做運動都減唔到,所以暫時都唔再雪卵住!



不過最近阿嬌為咗喺香港舉辦嘅婚禮都已經不斷好努力減磅,再加上減肥餐,就連阿嬌都晒相指自己塊面依家己變得又瘦又尖!



容祖兒(38歲)

今年38歲嘅容祖兒(Joey)之前接受傳媒訪問時就大爆自己上年已開始雪卵,更坦言:「女仔年紀上有限制,留住先,要同唔要都有得揀,如果想要,過咗最佳狀態就會好浪費。」



Joey曾說過希望40歲前生小孩,但今年3月被爆與拍拖5年的劉浩龍分手,之後又疑似復合,不過佢就強調自己依家單身!



Joey曾表示自己喜歡同性與異性,就如冇黑與白之分,但指依家呢刻,愛情方面都係選擇同男性發展。點都好,都希望佢早日搵到最心愛另一半啦!



|葉璇(38歲)

2015年,葉璇與內地男友「小默先生」拍拖,並公開宣布姊弟戀,當時仲自爆早於3年前(即2012年)已雪卵!

至於葉璇表示覺已前後做咗兩次雪卵,當時更表示:「女性可徹底從壓力和束縛中解放出來,享受生活和工作,感覺非常好」!

李嘉欣(48歲)

李嘉欣(Michele)08年嫁咗俾富商許晉亨成為幸福少奶奶,11年更成功一索得男,生咗囝囝許建彤(Jayden)。



不過據知Michele一直都想生女,所以當Jayden慢慢長大,佢亦有開始積極努力造人,更配合中醫調理身體,不過肚皮一直冇聲氣。



Michele幾年前仲做埋雪卵手術,儲好優質卵子,等第日有機會誕下「小嘉欣」,而Michele更曾坦言想過搵代母生B!



然而近年Michele改變心態,覺得一切順其自然就好,所以依家都唔會再作強求。



「雪卵」Q&A

Q1. 有那些女士可考慮「雪卵」?

以下的女士可能會考慮冷凍卵子 (oozyte freezing),俗稱「雪卵」:

1. 未婚或未有穩定伴侶:有打算將來建立一個家庭,但現在還不是合適的時機。冷凍卵子可減少將來生育問題的風險。
2. 追求更高的學歷或發展事業,需要延遲生育計劃。
3. 計劃生第二胎但現在還未是適當時機,但擔心數年後卵子質素已下降,會考慮儲存卵子等數年後有高質量的卵子備用。
4. 於治療前保留生育能力,如癌症療法、卵巢囊腫手術等。治療前冷凍卵子可減少治療對生育的影響。

Q2. 「雪卵」可有最佳時間?

冷凍卵子沒有年齡限制,不過卵子質素與年齡有關,卵子數量也會隨年齡下降。研究顯示最好於37歲前雪卵。

Q3. 「雪卵」的程序是怎樣的?

取卵手術前,病人需接受抽血化驗荷爾蒙及超聲波,以評估卵巢儲備。然後於經期第二至第三日起,每天注射荷爾蒙 Follicle Stimulating hormone (FSH),約10-12日。期間會用超聲波監察卵泡生長情況。待卵泡成熟(18-22mm),就會安排取卵手術。取卵手術多於局部麻醉進行(病人清醒),也有病人選擇全身麻醉。手術需由已接受訓練的婦產科醫生進行。醫生會為病人進行陰道超聲波,超聲波陰道探頭帶有穿刺針。進行超聲波確定卵泡位置後,穿刺針會經陰道進入盆腔、刺入目標卵泡內抽取卵子。一次手術可取多少卵子,視乎病人的卵巢儲備:年輕的或有多囊卵巢症的,一次可取15粒以上;年紀較大、卵巢儲備較少的(如做過卵巢手術),可能一次只有一、兩粒卵子。而接受取卵手術的次數,就沒有限制。

Q4.「雪卵」可有副作用?

於注射荷爾蒙期間可能會有以下副作用:水腫、肚脹、頭痛、噁心、卵巢過渡刺激綜合症等。但荷爾蒙退後,沒有長遠的影響。

Q5. 卵子可有保存期?過期或不需要可如何處理?

在香港,根據生殖科技條例,卵子只可以雪藏10年。被棄置、匿名捐贈給其他不育夫婦作治療用途、或捐贈作研究用途。

方秀儀醫生
婦產科專科醫生,現私人執業,看見不少媽媽由準備懷孕、到成功懷孕的喜悅,見證無數小生命來到世界。作為新手媽媽,希望能與各位媽媽一同分享懷孕的喜悅及資訊,做個漂亮媽媽、生個健康小寶寶。

《女人四十》6大共鳴位

共鳴位一
女人四十真是老?

社會一直會認為40歲的女人已經步入中後年,女人會隨年齡增長,而自信下降。每當我哋被新認識嘅人,將我哋嘅年齡估成更年輕,心底裡都不禁沾沾自喜,而節目中,阿田問小朋友對她的印象時,小朋友話佢似27歲,佢都超開心!但年齡真係可以定義女人價值嗎?阿田就認為,其實自信係由內去外,你嘅內心強大年輕,年齡都只係數字,一樣可以去學新野,發掘自己未知嘅另一面。

阿田問小朋友對她的印象時,小朋友話佢似27歲,佢都超開心!
童言無忌

共鳴位二
從前嘅興趣改變 不再夜蒲

年輕時,我哋夜夜笙歌,夜蒲、打牌、唱K直落無問題,一到了40歲好像只係鐘意留係屋企,瞓個美容覺。阿田和谷祖琳自稱曾是「夜蒲Queen」,當時生活由晚上11時先會正式開始,但現在再蒲會覺得「覺得很吵,很刺耳,更會見暈」急急腳離開。杜如風更自嘲,宜家落去再蒲自己已經係「Auntie Helen」。

現在再蒲會覺得「覺得很吵,很刺耳,更會見暈」急急腳離開

共鳴位三
唔夠膽著背心短褲 要開始養生

阿田係節目試著上熱褲,就表示下面涼浸浸,提到宜家著衫要諗清楚,覺得著背心、短褲,就好似唔係良家婦女。「有一次問老公杜汶澤,著背心好唔好?,阿澤答我著得舒服就得。」另外節目提到「中女」要養生,阿芝就話「中女會飲暖水,遲啲要飲熱水」。阿田認為除左要保持健康,心態都要保持年輕。

阿田係節目試著上熱褲,就表示下面涼浸浸
上面蒸鬆糕,下面賣涼粉
阿芝就話「中女會飲暖水,遲啲要飲熱水」

共鳴位四
女人四十歲未結婚喺Deadline?

社會不斷進步,但一啲傳統觀念依然好影響女性嘅睇法,女性喺咪要40歲前結婚呢?阿田直言,的確會有人為咗趕死綫而結婚,要結婚好易,要嫁得好就好難。


共鳴位五
有仔趁嫩生?

過咗35歲懷孕嘅婦女就會稱為高齡產婦,認為身體會出現大變化,懷孕機會會下降,風險都會愈大。但阿田為咗推倒說法,連子宮都要出埋鏡!佢去咗婦產科照子官,照完醫生就話佢嘅子宮子齡如14歲,依然合適生小朋友,所以年齡只是數字,身體實際狀況先真實證明到適唔適合生小朋友。

醫生就話阿田嘅子宮子齡如14歲

共鳴位六
女人四十才是真正開始

去到節目尾聲,阿田認為,「40歲好似突然睇野清晰哂,都變得從容不迫」。車婉婉十分認同,以前衝動火爆嘅性格,當發生問題就要立即解決,宜家忍耐力高咗,發生問題時會先退後一步。阿田立即補充:「現在覺得出現問題很正常,無法即時解決嘅野,便等到明天再解決,始終能解決。」

另外,谷祖琳認為放慢腳步,不會逼迫自己太緊,每一日只安排一樣野,以一樣事情為重點。阿田更認為40歲過後,好似重生「一路走來累積到嘅智慧同涵養,我反而覺得件事好美麗。」女人四十更要有態度!

阿田認為,「40歲好似突然睇野清晰哂,都變得從容不迫」



延伸閱讀:

【大帥哥】楊秀惠長腿收服張衞健 盤點大台11位長腿天后