39歲周國賢早婚早生 全家出巡阿女曬長腿

娛樂

提起周國賢,除咗佢嘅音樂,大家都唔會忘記佢仲有Endy爸爸呢個身分,早婚早生嘅佢﹐大女不知不覺已經17歲亭亭玉立,早前孖住韓藉老婆接囡囡放學,享受家庭樂!

撰文、圖片:東方新地

周國賢早生早享福大女遺傳老竇愛音樂

要數有型有款嘅唱作人,周國賢都算係異數,一出道已經自爆有個韓籍老婆李美 英仲一早做埋老竇。早生早享福,話咁快三個女Clara、Rachel同Elisia已經分別17 歲、11歲同9歲,聽講大女Clara仲遺傳父親醉心音樂㖭!

唱作歌手周國賢早婚亦早生,一日到黑圍住老婆同三個女身邊團團轉,日前驅車出現北角接老婆同囡囡。
生過三個嘅韓籍太太身形fit到漏,打扮亦充滿少女味,呢日孖老公接囡囡放學。

韓籍老婆fit到漏三個女曬長腿

日前難得見到周國賢喺北角出現,原來廿四孝老竇呢日做司機,接走老婆同上完 興趣班嘅二女離開。11歲嘅二女Rachel已經婷婷玉立仲有一雙長腿,身旁嘅太太李美 英,fit到漏保養得宜,一啲都唔似生過三個。周家一向陰盛陽衰,對住幾個女仔吱吱 喳喳,周國賢依然悠然自得,完全習慣廿四小時生活於女兒國當中!

11歲二女Rachel已經大個女,就快拍住媽咪咁高。
廿四孝老竇接埋女仲包辦埋接送囡囡嘅同學仔,四個女仔坐上車,非常熱鬧。

延伸閱讀:

12月韓劇速遞 河智苑事隔2年再度主演做名廚

38歲胡琳低調嫁人一周年 驚見夫妻同受傷