33歲楊冪撇甩濾鏡現老態 網友驚呼:女神崩壞

做女人最擔心嘅,就係老!

內地女星楊冪一向人氣高企,就算與劉愷威離婚後,一舉一動仍然係內地傳媒嘅焦點。回復單身嘅楊冪,未知係咪寄情工作,除咗拍攝電視劇及電影,連綜藝節目都積極參與。最近佢同鄧倫等為實景解密體驗騷《密室大逃脫》第二季擔任嘉賓,逃脫精心設計嘅密室,第一季開播時已掀起熱話,點知去到今季,網民熱烈討論嘅竟然係楊冪嘅樣!

第二季日前首播,唔少網友發現快將踏入34歲嘅楊冪臉部有崩壞迹象,臉部有皮膚鬆弛嘅感覺,淚溝同法令紋亦愈來愈明顯,明顯比以前老態,難怪網民大嘆「女神回不去了」!有網友認種種都係因為楊冪太瘦關係所致,心痛叫佢食番多啲嘢。

楊冪紅透中港台。
可見臉部皮膚鬆弛。
淚溝同法令紋好明顯!
網友認為係太瘦嘅影響。
唔通平時係靠P圖?