32歲高海寧狙擊37歲李佳芯 冰鮮Ali懶理繼續慢活

娛樂

李佳芯去年憑《 BB來了》勇奪視后,但早前 因網上言論,傳遭無綫雪藏,拍完《愛美麗狂 想曲》後便「被休息」,曾是好姊妹的高海寧高Ling即把握機會,胸狠狙擊Ali,但對被冰鮮的Ali似乎影響不大,繼續樂活人生。

撰文、圖片:東方新地

李佳芯高海寧曾結伴同遊為上位姊妹冇情講

去年開始啲當家花旦一係離巢一係結婚生 仔,年中又發生黃心穎偷食事件,早前連上緊位嘅Ali( 李佳芯)都盛傳入埋雪櫃,高Ling上位機會嚟喇!雖然佢同Ali好friend,不過為上位姊妹都冇情講,高Ling劇接劇,出年分分鐘有劇跑出。嚟緊會開拍嘅《BB來了2》,Ali被飛,女主角雖然換咗香香(岑麗香),但高Ling角色同戲份一樣重,好有發揮。

17年尾開拍的無綫劇《 BB來了》本來女角屬岑麗香,因香香大肚辭演,由李佳芯頂上,造型記招當日高Ling與Ali同以大肚婆造型示人,之後再合作《殺手》而成為好友。
今年 4 月,Ali 與高Ling結伴去巴塞隆拿度假。
返港後Ali指高Ling去旅行都好姿整,為咗唔比下去自己都要化妝出街, 埋怨同佢去旅行係苦工,仲話下次出走唔預高Ling 。

冰鮮李佳芯懶理進修旅行做貼地女神

Ali被封貼地女神,冇工開就慢 活打發時間,停工前本刊記者見貼地女神拍外景時心情靚靚,而她表示會趁放假報讀演藝課程進修及學畫畫。

她亦不時在社交網上載行山及外遊照片。

她承認暫時未有接拍新劇,市道亦都很靜,現階段工作量減少,趁現在有時間,會和男友去短程旅行,亦計劃獨自去長途旅程。

唔使捱更抵夜拍劇,Ali 大把時間陪男友陳炳銓,不過二人拍 拖繼續低調,早前去柴灣睇騷亦唔敢拖手。
之後更買外賣宵夜返屋企慢慢歎。

延伸閱讀:

厚顏黃心穎潛水7個月 藉《牛下女高音》密謀返港

高海寧台慶領軍企前排 力壓王君馨張曦雯眾小花顯地位