3歲「牛王妹」做淑女 呂晶晶搞破壞

1 / 3
3歲「牛王妹」做淑女 呂晶晶搞破壞

【東方日報專訊】藝人呂晶晶小時候已是美人胚子,外表看似斯文,其實是「牛王妹」一名,故媽咪想她學做「淑女」,並安排她學鋼琴,晶晶說:「3歲時媽咪安排我去學彈琴,仲買個鋼琴返屋企,當時鋼琴都唔平,但我坐唔定,又要被迫學,於是諗辦法整爛部琴,之後又特登彈得好錯,媽咪見到我咁,就放過我。」

到6、7歲時晶晶更好動、更男仔頭,她說:「嗰時成日黐埋成班男仔玩,見到人哋踩單車,自己又想踩,喺完全唔使人教之下學識咗,嗰時唔怕跌,跌咗都唔會喊,真係好貪玩,媽咪覺得我太好動,女仔要靜啲,所以就捉咗我去學書法同畫畫,被媽咪逼住,又唔畀出街,日日喺屋企學寫大字,不過寫得多,性格真係變得靜咗,亦因為日日練字,好細個就識好多字。」