【3個月冇交租】 傳連詩雅做「租霸」豪宅無錢交租賴死唔搬走

29歲嘅連詩雅(Shiga)早前同拍拖3年嘅麻將館太子爺石恆聰分手後,二人極速搵到另一半,石恆聰就同「阿Sa」蔡卓妍拍拖,連詩雅就同咗音樂人徐浩一齊。最近有傳Shiga冇咗前男友支援下,經濟出現問題,最近仲做埋「租霸」。

有指佢當年同石恆聰愛得火熱時,突然富貴搬入月租過4萬,位於九龍塘筆架山道嘅豪宅,二人分手後連詩雅同媽媽仍然住喺嗰度,不過就話佢由10月到12月呢三個月都冇交租,共欠超過10萬元租金。

知情人事表示租約一早完咗,本來要再簽新約,但連詩雅唔簽之餘,仲要求逐個月交租。後來連詩雅同媽媽採取「拖字訣」,欠租3個月仍然賴死唔搬走,仲出動嗲功務求希望業主收少啲。

有指業主其實有意賣樓,叫人上去睇樓,連詩雅媽媽就百般阻撓。而家業主租又收唔到、樓又賣唔到,打算採取法律行動咁話。

對於欠租一事,Shiga淡定回應話經濟冇問題,會私底下去了解吓。