29歲生日 陳凱琳晒索爆大肚寫真

靚媽!

今日29歲生日嘅前港姐陳凱琳,早前宣布懷有第二胎,今日佢喺社交網上載大肚寫真相,見着住一件頭泳衣嘅佢,上圍明顯升級,但手、腳同臉仍然纖瘦,獲得大批網友讚好,佢留言多謝網友嘅生日祝福:「𝙏𝙝𝙚 𝘽𝙚𝙨𝙩 𝘽𝙞𝙧𝙩𝙝𝙙𝙖𝙮 𝙋𝙧𝙚𝙨𝙚𝙣𝙩 !今個生日特別有意義,除咗好感恩有一個咁愛錫我嘅屋企,嚟緊我哋嘅家庭將會迎接呢位小生命~ 心情好緊張,好興奮,好期待!我唯一嘅生日願望就係希望自己,BB,同埋身邊咁多位嘅朋友都健健康康!God Bless .」而好姊妹龔嘉欣亦大讚陳凱琳係「最靚嘅孕婦」。

好靚呀!
手腳繼續纖幼。
真係得天獨厚。

而龔嘉欣原來尋日已經率先同陳凱琳慶祝,今日喺社交網上載短片,見佢非常有心思預備印有眾人樣貌嘅氣球,拎上去陳凱琳屋企布置一番,更識做地喺陳凱琳生日前離開,等佢可以到老公鄭嘉穎齊齊倒數過生日。

陳凱琳打邊爐慶生。
龔嘉欣為好姊妹送上驚喜。