27歲歐鎧淳宣布與胡子彤分手 SheShe啜咀相流出 傳戀女籃球員

有「美人魚」稱號的香港女飛魚歐鎧淳,與男友胡子彤相愛3年,日前突然流出多張親密照,可是相中人並非男友胡子彤⋯⋯

圖文:新假期周刊、東方新地

27歲歐鎧淳與男友胡子彤相愛3年,不時在公開場合以運動情侶檔出現,不過日前突然流出多張親密照,可是相中人並非男友胡子彤,而是32歲甲一女籃球員倪碧賢,驚爆SheShe情!

親密相流出後,歐鎧淳在IG回應:「我與胡子彤已有共識地分開了一段時間,我們相信感情是二人的事,每段感情都是一個經歷和學習。謝謝大家關心。」

事源有人爆出,二人在ig一個私人帳戶,貼滿甜蜜生活照,當中不乏親蜜啜咀相!而歐鎧淳聖誕節當天發的ig貼文,留言:「今年來點不一樣的」,難道是暗指戀情狀況有變?

重溫去年歐鎧淳的專訪,當時她也有回應退役和結婚的傳聞:

歐鎧淳與胡子彤拍拖一年半受訪:「未計劃結婚」

憑《春嬌救志明》入圍金像獎最佳新人獎嘅泳界女神歐鎧淳,在訪問中大方分享同現役香港棒球員、影壇新星男友胡子彤甜蜜相處嘅點滴,但講到幾時結婚,佢就話⋯⋯

撰文:東方新地|圖片:新傳媒圖片庫、歐鎧淳IG

延伸閱讀:

周柏豪居屋換豪宅 三千萬清水灣靚屋贈老婆

《黃金有罪》劇情、角色簡介 重溫七、八十年代香港「魚翅撈飯」發達軌跡

入圍金像獎最佳新人獎

泳界女神歐鎧淳在《春嬌救志明》中只得6句對白而入圍金像獎最佳新人獎,在周日金像獎頒奬禮當日下午,先參加於香港體育學院舉行的長池游泳計時賽,在30分鐘內連戰100米自由泳和100米背泳,結果分別披金戴銀,上水一刻更喜極而泣。

之後她又趕赴去金像獎,而她行紅地氈時忽然淚灑當場,看到薛凱琪在前面行地氈,一時太激動而泛淚!她雖然最後未獲「最佳新人獎」,但能夠有份提名,對相信已是一個很好的鼓勵!

歐鎧淳:我哋有共同語言

歐鎧淳同胡子彤拍拖約一年半,問到胡子彤有咩吸引到佢?歐鎧淳甜爆表示:「我諗佢同我某程度有啲似,所以相處落嚟好舒服,愈耐就愈嚟愈磨合得好、更加舒服,好似成日有個伴喺側邊,我哋有咗自己共同嘅語言。」提到早前2月14日情人節歐鎧淳被撞見喺銅鑼灣揸住紮花同胡子彤拍拖,畀人如膠似漆嘅感覺,非常sweet,歐鎧淳笑言;「都盡量抽時間見囉,始終見面、相處先至係最重要,其他嘅嘢都冇乜所謂!」

常跟男友胡子彤孖住出活動,日前一同擔任「揹水一戰」起步嘉賓,結果跑了整整十五公里,「我哋頭4K覺得好悶,跟住運動員心態作怪,不如衝啦,都幾好玩,其實跑步對游水嘅人嚟講好難,腳腕好唔習慣,成身痛。」

拒絕一齊做運動

講到兩人平時有咩消遣?歐鎧淳答:「都係喺屋企百無聊賴㗎咋,好少會出街,佢陪吓我屋企人,我陪吓佢屋企人咁囉。一齊做運動?梗係唔會啦,我有去睇佢比賽嘅,佢都有次迫我玩過場友誼賽,但我完全打唔中個波,都係玩吓啫!」而問到佢哋有冇交流演戲心得?歐鎧淳就話:「佢有教我,一定係佢叻啲,佢係上屆『最佳新演員』。」

歐鎧淳

未有結婚計劃

問歐鎧淳人生有冇咩時間表?譬如30歲前要結婚?佢笑答:「好耐之前有咁諗過,大個咗真係冇嘞,尤其覺得仲有好多嘢想試,仲有身邊好多人結婚,佢哋畀好多意見,話未結婚就有更加多時間做自己嘅嘢,而且我依家男朋友都有佢自己嘅諗法,所以我哋大家都向住我哋嘅目標進發先!」

歐鎧淳
提到胡子彤既有拍葉念琛執導嘅《心冤》,又拍杜可風執導嘅《白色女孩》,非常忙碌,歐鎧淳笑言:「佢係㗎,佢除咗拍戲,又會拍香港電台嘅劇集,又有啲廣告,同埋又要練波,佢都忙㗎!」
問佢同胡子彤出街拍拖有冇遮遮掩掩?歐鎧淳表示:「冇啦、都冇咩需要,冇唔見得光嘅嘢做,正正常常好似平時咁。最近先一齊出活動。」

林子善補擺喜酒 眼濕濕講愛的宣言

TVB女藝人學歷大檢閱 48個你知幾多個?

6大運動型女神 鍾意爆汗定爆乳?

延伸閱讀:

周柏豪老婆是誰? 太太 Stephanie 真面目獨家曝光!觀塘孖咇出巡激罕露面