24歲周嘉洛鄰家男孩勁入屋 無女拖靠同性陪shopping

娛樂

出道短短三年,演出機會唔算特別多,但就執到支好籌加入《愛‧回家》嘅大家庭,電視台新面孔嚟講,「金城安」周嘉洛好多人都睇好,成個鄰家男孩,形象好、入晒屋,前途無限!

撰文、圖片:東方新地

網上曬十指緊扣相 轉頭上同性友人車

24歲仔周嘉洛月頭過生日公布神秘十指緊扣相……唔好咁緊張,其實名草未有主,拖實隻手仔係周媽媽嚟!未有拖拍,出街玩都可以有好兄弟陪嘅,日前喺電視台開完工,周嘉洛 匆匆忙忙講住電話,之後出去電視城左望右望,似等人,然後見佢上咗個同性友人的貨Van上。

周嘉洛在《愛‧回 家》做滕麗名兒子, 二人私底下感情都好好。
《愛‧回家》 夠入屋,成功捧出唔少年輕一輩演員。

好兄弟做司機 陪shooping兼送返工

原來男性好友神心去到電視城門 口接埋嘉洛仔一齊走,然後去九龍灣megabox行街、買衫、逛完Ikea再喺Ikea醫埋肚都係兩支公拍住上,買完食飽hea夠,友 人又車嘉洛仔返回電視城繼續開工,原來係陪嘉洛攝一攝個空檔,認真唔話得喎。11月11日光棍節過埋,唔知兩位脫單未 呢?

男朋友接女朋友收工就見得多,呢日周嘉洛喺電視城收工,玩住電話等男性密友用架貨Van嚟接收工。
二人去到九龍灣某大商場泊低架車,一齊去行運動品店,友人似係陪周嘉洛去揀。
下一站係巨型連鎖家居廣場,行完街又去埋餐廳揀嘢食醫肚,夾個嘢食都傾唔停笑唔停,好好感情。

延伸閱讀:

林德信笑容冧死女 衛詩雅:佢係我杯茶!

36歲黃智雯超Deep V雲頂開show 被指唱功差終雪恥