22歲嫩口丁子朗戒女上位 慳家爆肌小鮮肉成功入屋

娛樂

有情飲水飽!有理想都可以!現年22歲的丁子朗,為咗實現做藝人理想,放棄加國讀大學機會,隻身來港發展,寧願做慳家男,冇錢就捱麵包飯盒,都要為理想拼搏!

丁子朗慳家唔媾女 默默靠爆肌彈起

丁子朗生活慳家,租住西貢村屋,座駕亦是殘爆錢七,更怕使錢唔敢媾女,生活相當之Dry,幸好辛苦三年有回報,近日終憑《解決師》上位。除咗拍劇,丁子朗亦是綜藝節目常客,去年參與拍攝《森美旅行團》第 二輯,同森美一齊晒肌,即時引起網民關注。

新一代慳家仔:住村屋揸二手車

日前,慳家肌男駕車返電視城開工,入廠前在canteen食碟頭飯醫肚,外形稚氣生活踏實,丁子朗更被網民封做天然呆馬明2.0,贏得呢個稱號,證明佢好得民心!

為做慳家男,丁子朗生活乏味,收工鍾意留喺屋 企,更怕使錢唔敢追女仔,日前,他就單拖孭住大 袋嘢出發返電視城開工,穿上背心身形健碩。

樸實好青年 頹食唔介意

日前,身穿冇袖Tee大騷結實手臂的他,離開西貢村 屋寓所駕車返電視城,開工前先到canteen買飯醫肚,唔似大部分年輕男,乜都貪新鮮,丁子朗食嘢簡單唔講究,絕對係少有的樸實新人。

唔想亂花錢,丁子朗未有外出吃飯,等返到電視城先去 canteen 買碟頭飯醫肚,相當慳家!

有長輩心假日齊歎茶

另一日,不用開工的他,又約長輩親友去金鐘歎茶。一個人來港發展冇王管,丁子朗三年都冇變質,繼續保持純真,丁爸爸可以十萬個放心!

雖然唔理家人反對入行,不過丁子朗性格溫馴,其實同《解決師》內高俊角色一樣係乖乖仔,日前他約咗長輩及親友在金鐘 HighTea,全程表現乖巧。

性格純真踏實 人緣好個個錫

唔單止外表稚氣,丁子朗性格純真踏實,在無綫三年人緣不錯,拍《解決師》同王浩信、唐詩詠及一班演員打成一片。

延伸閱讀:

43歲側田演唱會爆大鑊 未婚有女嚇親Fans

吳君如監製兼做蘇樺偉阿媽 蘇媽媽親自認證:勁似!