22歲丁子朗懶理家人銀彈引誘 陽光爆肌男終受關注

第一次在劇集擔重戲,可以拍到大製作台慶劇,仲被派演 陽光味重乖乖仔角色, 在《解決師》內演陽光肌男俊俊的22歲丁子朗已經贏在起跑線,乖乖仔形象更幫他成功入屋。

丁子朗加拿大比賽落選無綫高層親邀選港男

14歲隨家人移居加拿大多倫多生活的丁子朗,在滑鐵盧大學讀完year 1,趁著假期參加當地《型男家族》比賽,雖然攞唔到獎,卻為他帶來另一個機會,原來當日比賽,無綫高層杜之克、樂易玲及余詠珊秘密在場揀蟀,丁子朗就被揀中返港參選香港先生,更成功跑出成三料港男,除咗獲得亞軍,更是「最上鏡先生」及「最受歡迎香港先生」。

在加拿大參加《型男家族》比賽後,16年丁子朗來港參選《香港先生》,當年更是首屆港姐及港男同場選出,丁子朗雖然屈居亞軍,不過星途就比同屆冠軍黎振燁及季軍鍾君揚要好,陽光肌男形象令他成功突圍!

父母反對入行 丁子朗險與家人反面

不過贏得簽約無綫機會同時,他亦要為自己人生作出抉擇。據知情者透露:「呢個入行機會,亦令Karl企喺人生交叉 點,因為當時Karl父母,好反對佢入行做藝人,始終唔想個仔放棄學業,想佢完成大學學位先決定自己嘅路,不過Karl喺多倫多生活,平日冇乜消遣,可以話係睇無綫電視長大,所以佢對於可以入行拍劇,真係好嚮往,唔想放棄呢個咁難得嘅機會,嗰陣同父母撐到好行!」


選完港男決定留港發展,丁子朗差不多一年先有時間和積 蓄,返加一次探望家人,而極少在個人IG晒和家人合照的 他,去年父親節,他便激罕放出家姐畢業時的全家合照!

堅持做藝人懶理家人銀彈引誘

年紀輕輕已好有計劃,不過,丁子朗身為家中孻仔,父母還是 想兒子可以繼續學業,更試過出動銀彈利誘兒子返加國繼續升學。據知情人士說:「丁爸爸唔想個仔入娛樂圈,都係怕呢行收入唔穩定,驚個仔捱苦,因為擔心Karl一個人喺香港冇人照顧,成日會勸佢返加拿大再讀書,仲畀錢引誘佢,不過,就算屋企人軟硬兼施,Karl都唔肯放棄,不過為咗令父母安心,佢承諾將來有機會一定會完成大學課程!」

辛苦操來六嚿腹肌同人魚線,外表陽光的丁子朗,仲鍾意晒肌!

憑陽光肌男上位工作不斷上位有望

在無綫三年機會不斷,丁子朗憑陽光肌男形象上位,去年參與拍攝《森美旅行團》第二輯,半裸爆肌演出備受關注,近期在新劇《解決師》,又憑陽光中學生角色殺出,被網民封為新一代小鮮肉男神,工作不斷,丁爸爸可以十萬個放心!

在台慶劇《解決師》擔演重角,丁子朗演O Sir王浩信 學生,是欖球隊高手,對於充滿陽光活力的他來 說,駕馭冇難度!

延伸閱讀:

22歲嫩口丁子朗戒女上位 慳家爆肌小鮮肉靠5招成功入屋

傳12月結婚!林峯40歲生日在即 被胡杏兒催生BB