【2020香港小姐】辣空姐Jessica 「靚版高Ling」Yancy入硬圍 40億千金因合約問題出局

無綫2020香港小姐今午21名港姐見傳媒,晚上再進行直播,任由網民問問題及畀分,經過N次實體及網上面試,雖然大會還未落實公布候選名單,不過大熱人選一早誕生,23歲狂野空姐廖慧儀(Jessica)、有靚版高Ling之稱的26歲黃婉恩Yancy都係由頭帶到尾,出來見傳媒時信心十足,入硬圍﹗

文:東方新地

今午21位香港小姐參賽者於電視城會見傳媒,大部分都是上次網上直播中的見過,而一班參賽者下午分批到達電視城,大部分有見傳媒的經驗不再怯場,大家的焦點都落在23歲狂野空姐廖慧儀(Jessica)、有靚版高Ling之稱的26歲黃婉恩Yancy、翻版鍾嘉欣的四十億千金黃頌思、被爆疑似整容的20歲賴琦媛、23歲俏護士何孟珊等身上,睇佢哋一副信心十足,絕對是大熱之選。大家睇吓廿一位參賽者,有冇你心水?

今午正式會見傳媒的21位參賽者,竟然唔見下午曾現身電視城的大熱之一、四十億千金蔡頌思,據知是蔡頌思Jocelyn其他機構有合約在身,跟與大會合約會有牴觸,最後無辦法下被逼退選,真係可惜。

麥詩晴,23歲,係一名辦公室經理,身高170cm,精通舞蹈。
22歲的梁懿婷被指似肥版孫藝珍,更被指似葉劉,臉上長滿粒粒,佢解釋壓力致出暗瘡,請大家見諒,又話自己塊臉唔係大,明眼人都知佢嘅當前急務除咗整靚啲皮膚,最緊要減減磅先囉。
21歲的源菲然身高168cm樣子甜美,幾似餅碎Miki。
候嘉欣堪稱甫士王,不停擺甫士任影,她在英國讀設計今年畢業。
27歲的吳秀明Tabi係一名音樂導師,佢話帶咗一篋零食到來準備請大家食。
24歲的連佳麗Kelly是一名司儀及演員,在上次冇份網上面試,今日卻現身第二次實體面試。
大熱的22歲郭柏妍,係一名碩士生,有樣有學歷。
由頭大熱到尾的辣空姐Jessica廖慧儀,上年大學畢業後就投身做空姐,更兼職做模特兒同瑜伽教練,今日著住上次面試的「老泥」裙出席第二次面試,佢直言因為有感呢條白色裙好lucky,所以翻著。
20歲的大學生賴琦媛Ivy,日前被爆曾整容,佢話今日嚟見評判會親自澄清。
23歲的何孟珊身高172cm,是一名註冊護士,之前被網民質疑鼻樑離奇過高,她解釋係化妝或燈光問題,不過今日佢仍然化到鼻影勁深,未有接受網民的意見。
19歲的周筱褀是一名學生,操非常唔純正的廣東話,連聽都有困難,連「蝕底」都聽唔明。
18歲謝恩靈是應屆DSE學生,正在等候放榜。
24陳煦凝Amber,係一位理財策劃,她在IG貼出火辣水著照,更有露波底相,被問到無綫有冇要求刪相,佢話冇不過暫時唔會再po水著相。Amber半年減三十磅,她直言連上圍都跌咗兩cup。
麥淑螢Mary,26歲,是一名投資分析員。
23歲的范倩雯被指似女版馬明,從事市場推廣。
27歲的張艾佳Jessica係一名模特兒。
被指同謝雪心撞樣的25歲羅雪妍,25歲,著住大紅裙見傳媒,娘味濃。
24歲鄺美璇在加拿大長大,是一名銀行從業員,廣東話唔係好正,似大肥版廖碧兒,不過笑容幾甜美。
23歲的陳顥怡又係叫Jessica,身高167cm,在城大經濟學畢業,是一名模特兒。
被指同韓星金宇彬撞樣的陳槙怡,職業是一名建築師實習生,24歲。她話唔覺得自己似金宇杉,但就話多咗人話佢似女韓星。
壓軸出場係頂大熱的26歲的黃婉恩Yancy,職業是銀行從業員,對於被揭突然刪走所有同男友的甜蜜合照,佢就匆匆走人未有回答。
「40億千金」蔡頌思後,原來她是已故「海產大王」蔡繼有的孫女,家底雄厚,樣子似鍾嘉欣,談吐得體,是大熱之選,可惜最後因合約問題而被逼退選。
蔡頌思在IG向支持者公布自己退選了。
雖然Jocelyn被迫退選,不過想睇佢嘅水著照,可以繼續follow佢嘅IG。
【2020香港小姐】辣空姐Jessica 「靚版高Ling」Yancy入硬圍 40億千金因合約問題出局
【2020香港小姐】辣空姐Jessica 「靚版高Ling」Yancy入硬圍 40億千金因合約問題出局

延伸閱讀:

《那些我愛過的人》大結局劇情爆料!終極車禍林文龍為救黃翠如壯烈犠牲

陳冠希、余文樂昔日死敵今一同變大叔!吳彥祖髮線再上移變甩毛男神