19歲吳卓林與31歲同性女友婚姻亮紅燈 貧賤夫妻百事哀

娛樂

吳卓林近年行徑飄忽,與母親吳綺莉關係變差愈走愈遠,18歲成年後更爭取獨立自主,去年脫離母親出走加拿大,粒聲唔出與31歲的外籍同性女友Andi婚都結埋,但只懂享樂不懂理財的二人,婚姻似乎走不出貧賤夫妻百事哀的魔咒。

撰文、圖片:東方新地

吳卓林帶Andi住劏房 靠阿媽吳綺莉接濟

吳卓林之後返港定居與妻合組多媒體公司,又向全港多間公關公司發信提出合作,工作發展唔多掂,卓林帶住Andi住劏房,冇錢交租窮途末路,最後都係要向吳綺莉求救。

去年只有18歲的吳卓林離家出走,流落加拿大街頭拍片尋父, 與年長十二年的同性女友Andi直播咀嘴賺生活費。

曾刪所有合照二人否認婚變

近半年卓林甚少公開現身,今年5月,Andi突然發文暗諷有人長唔大、唔生性,更揚言要「說再見」,有傳兩人 感情生變,到7月又到卓林把IG所有與Andi的合照刪除,婚姻關係好極有限。一直以來卓林為冧妻,都盡力滿足對方需要,早前她帶Andi去迪士尼大玩特玩,錢唔識搵只顧享樂,一入園最低消費過千,卓林可以頂到幾耐?

不理母親反對與Andi來往,卓林去年 11月宣布與Andi已在加拿大 註冊結婚,更公開多張婚照。
5月時 Andi網上發文暗指有人長不大兼不生 性,更表示想自己一個人,傳出離婚消息,卓林 亦刪除IG中二人的合照,最後更索性剷走所有 post,不過二人都否認婚變。
雖然刪除所有與卓林的合照,但 Andi 的 IG 仍有不少她自己的性感照。

Andi貪玩成性 卓林為冧妻去高消費樂園玩

Andi要求多多玩樂最緊要,卓林為冧愛妻平日只好死慳死抵,早前本刊記者在迪士尼捕獲她們,入園玩一日門票過千, 二人即場買了刻名的米奇老鼠帽花了幾百元,再加上在 園內買快餐醫肚及來回車費,絕對是高消費,而現場所見,全程由卓林埋單,Andi非常大支嘢。可惜千金都未必買到快樂,當日卓林與 Andi心情都麻麻,二人笑容唔多,與一年前sweet爆公布婚訊時差天共地。

日前卓林帶愛妻 Andi暢遊迪士尼,二人一同戴上米奇老鼠帽,童心未泯,單是入場費加兩帽已花費過千元。

同性婚姻不被看好貧賤夫妻百事哀

吳卓林的同性婚姻一直未被看好,母親吳綺莉更對其妻Andi恨之入骨,認定對方接近卓林是有計劃有目的,不過盲目的卓林非常維護妻子,更曾表示要努力工作讓Andi過好的生活。可惜今年19歲的卓林學歷唔高又冇工作經驗,要搵錢養家並非易事,正所謂貧賤夫妻百事哀,冇錢拗撬自然多。

Andi 吃喝玩樂就最叻,畀錢永遠唔見佢出手,望住卓林掏銀包, Andi 無動於衷,之後二人木無表情一齊等攞嘢食。

結婚一年為錢嘈過無限次,今年5月Andi更在社交網大爆發,知情者透露:「卓林同Andi簡直係累鬥累,雖然結咗婚,但兩個都不事生產,搞公司搞完 就算,完全唔積極做嘢,Andi想食好住好,卓林都想滿足愛妻,不過有心冇力,出去做嘢又唔放心 Andi,一日黐到黑點會有收入?之前搞到冇錢交租 山窮水盡,都係Andi叫卓林搵阿媽幫,卓林就係唔想為咗錢畀吳綺莉牽制住,但Andi唔係咁諗,佢覺得有錢先係最緊要。依家卓林一冇錢,Andi就詐型同佢嘈,關係時好時壞。」人的慾望永無止 境,Andi貪威識食,卓林哪有咁多錢?切肉不 離皮,話唔定一直都係由阿媽接濟。

卓林幾乎與她斷絕來往,吳綺莉其實好心傷,近年為修補母女關係,她已出盡力,不過卓林最後都係揀 Andi。日前吳綺莉戴住口罩去跑馬地銀行處理財務,見她咳得好辛苦,之後去油站入油,等候時終於除罩,其病樣更見憔悴。

延伸閱讀:

31歲新垣結衣罕見deep V! 2019日本女神寫真大戰

黃貫中被歌迷斥消費Beyond 退出演唱會專心做慈父