【Yahoo飛王】黎明來到!「明蝠俠」新組合Gingerbread 萬聖節開fan meeting

不得不承認,「明蝠俠」黎明揀新人有一手。

衛蘭、JW、李治廷,個個發展都獨當一面。香港未必咁多人識嘅JC,佢首《說散就散》喺內地人氣相當高。

而「明蝠俠」推新人嘅玩法相當有趣,衛蘭第一張唱片用easy listening編曲翻唱黎明金曲,JW淨係個名已經少見;放手俾李治廷一手包辦出道作嘅音樂部份(個封面唔好提),可能老黎就係老細,同行好少咁樣捧新人,呢啲橋同老黎金句一樣-聽落怪,諗落有嘢。

呢期黎明旗下力推嘅Gingerbread又玩咩花臣?首先Leon解釋Gingerbread係一個概念單位,成員有「明蝠俠」呢個分身同埋Auto Tom,但唔排除會加人或者換人……睇返MV,Auto Tom以蒙面歌手現身,即係換咗人都唔覺啦,而且美國都有個DJ Marshmello亦係笠頭示人,而家又傾緊蒙面係咪犯法,Leon係咪堅有先見之明先?!

「明蝠俠」早排公佈咗Gingerbread 會喺萬聖節同本地hip hop單位BAKERIE一齊開fan meeting,地點係麥花臣,只演一場。一場?!

Leon上次「核心外圍」海傍演唱會都閒閒地8場啦,點搶先?今次show嘅飛經一個比較新鮮嘅平台獨家發售,下星期一開賣之前可以入去做定會員先,到時就快手搶到。

GINGERBREAD ft. BAKERIE Fans Meeting Party

日期︰10月31日(星期四)

時間︰8:00PM

場地︰麥花臣場館 (旺角奶路臣街38號)

票價: $780 / $680(服務費用: 每張$12)

備註︰

每次交易最多購買4張門票。

一人一票,6歲以下恕不招待。

劃位入座。電腦選擇最佳座位。

觀眾憑電子門票(附有QR Code) 入場。

如有爭議,主辦單位有權要求入場人士出示身份證明及購買門票時使用的信用卡或電子錢包紀錄作身份核對。

詳情︰https://hotdogtix.com/events/6225125980504064?lang=zh-Hant