【8090後童年回憶】 呢班藝人都參演過ETV

陪伴80及90後成長嘅教育電視節目ETV將於2020年6月後結束,通訊局公布ETV嘅收視率持續偏低到0至0.5點,教育局經檢討後決定於本學年結束後取消。其實當今有唔少明星喺細細個已經拍ETV做小演員,真係細細個就決定食呢行飯。

唐詩詠

唔講唔知原來「視后」唐詩詠都有份參演過ETV,試過以War game形式教方向嘅指示方法。當時佢個樣真係好Pure好Ture呀!

唐詩詠
網上圖片

連詩雅

而連詩雅就係英文科代表,當年只得10歲嘅佢札住條鬢辮,已經睇得出係美人胚子。節目中說起英文時相當流利, 而且充滿自信。連詩雅都有上載照片並留言話「好。。。我承認每個人都有點不敢面對的童年。。。」

連詩雅
網上圖片

G.E.M.

由細到大個樣都無咩點變嘅G.E.M.,就拍過普通話科教育電視,喺節目中示範「對不起」正確發音。

G.E.M.
網上圖片

王祖藍

喺2000年,王祖藍曾經係常識科與數學科嘅教育電視飾演過萬人迷阿輝,劇中佢係排球隊隊長,魅力勁到迷倒唔少女同學,其中一位女同學仲對佢展開熱烈「追求」。

王祖藍
網上圖片

陸永

估唔到陸永都拍過ETV,當年佢以古裝扮相,但都難掩佢搞笑嘅性格,真係細細個已經注定做搞笑藝人。

陸永
網上圖片

唐寧

童星出身嘅唐寧,幫ETV拍過唔少集數,佢細個個樣同而家無太大分別,都係眼大大,面尖尖,一睇就知長大後係靚女!

唐寧
網上圖片

黃美棋

一樣係童星出身嘅黃美棋,眼大大面圓圓,非常可愛。佢自細拍過唔少電影及電視劇,拍埋ETV當然唔出奇啦! 

黃美棋
網上圖片

鄧一君

鄧一君細細個就成日擔任男主角,雖然佢喺娛樂圈多年,但最令人有印象嘅都係ETV,佢以前成日做男主角,仲試過同初出道嘅羅慧娟合作過添呀!佢個樣十年如一日,到而家都冇咩點變,認真犀利呀!

鄧一君
網上圖片

楊思琦

楊思琦就係普通話科嘅代表,以百變造型登場,教大家普通話。

楊思琦
網上圖片

張紋嘉

前HotCha成員張紋嘉(Crystal)都拍過教育節目,中學生踏入青春期,對異性產生好奇心,劇中有一幕「假親吻」鏡頭。

張紋嘉
網上圖片

林一峰

林一峰唱歌就叻,估唔到佢都有做演員天份,細細個參演ETV,佢個樣同依家都幾似,無咩大分別。

林一峰
網上圖片