【10個口罩10,000蚊】何雁詩:肉痛好過病

肉痛仲好過病呢句講得啱!

武漢肺炎肆虐,香港地人人都為咗口罩好頻撲,排通宵搶購都係為咗有罩傍身,就算去咗泰國度假嘅何雁詩同樣面對呢個問題,佢為咗自保仲用咗過萬蚊買咗十個口罩!你冇睇錯係10個用1萬蚊,即係平均1千蚊一個!

之前何雁詩趁農曆新年同未婚夫鄭俊弘及家人飛去泰國玩番幾日輕鬆吓,點知撞正疫情擴散,個個地方口罩都缺貨,佢去到行程尾聲已經出現冇罩可用嘅地步,最後佢喺機場買咗十個可換filter嘅口罩,加埋啲filter,足足使咗過萬蚊,你都咪話唔昂貴!佢話畀錢時都好肉赤,不過為咗家人着想,肉痛都仲好過病!

何雁詩接受訪問時表示:「我喺泰國都有周圍搵口罩,不過可能我住旅遊區嗰邊,所以啲口罩都賣晒,淨番布嗰隻唔防病毒嘅,我買咗十多個,加埋替換嘅filter,都成萬蚊,不過都冇辦法,出面都買唔到口罩。」佢又透露啲filter每個可用100小時,亦即時約4日,之後就要再換。

何雁詩同未婚夫鄭俊弘去咗泰國過年。
旅程臨尾冇罩可用~
用咗過萬蚊買咗十個口罩。